Burela, 2 de decembro de 2020. A hostalería de Burela reabrirá con restricións este venres, segundo anunciaba o presidente da Xunta este mediodía. O peche perimetral mantense polo momento. O alcalde, Alfredo Llano, valora de xeito positivo esta información.
O rexedor declarou: “valoramos de xeito positivo que, aínda con limitacións, a hostalería de Burela poida ir abrindo pouco a pouco. Pedimos moita responsabilidade tanto ás veciñas e aos veciños de Burela coma aos nosos hostaleiros para que cumpran estritamente con todas as medidas decretadas polas autoridades sanitarias, porque non queremos volver para atrás”.
A día de hoxe Burela conta con 13 casos activos de covid. Para o alcalde, Alfredo Llano, “é unha cifra baixa que anima a pensar en positivo. Agardamos seguir mellorando os datos para recuperar a mobilidade, que tamén é algo moi importante. Temos que facer as cousas ben para seguir avanzando e recuperar a vida que estabamos a levar hai unhas semanas, antes de iniciar este peche perimetral e o peche da nosa hostalería”.
Momento antes da comparecencia do presidente da Xunta o alcalde burelés contaba que “esta mañá o primeiro que fixen ao chegar ao Concello foi abrir a páxina do Servicio Galego de Saúde para comprobar os datos de contaxios en Burela, e levei unha sorpresa agradable xa que temos 13 casos activos pero son os acumulados a catorce días, polo que é pouca cantidade, algo que nos permite poder pensar en positivo. Decrecemos dunha forma considerable, tíñamos 23 casos e hoxe pasamos a 13. Iso significa que vai ben todo e que non están entrando casos novos. No hospital hai 4 persoas agora mesmo, pero penso que non van tardar moito en darlles a alta. Iso quere dicir que fomos facendo as cousas, dentro das nosas posibilidades, en xeral corresponsabilizándonos todos ben”.
Alfredo Llano manterá mañá, xoves, unha xuntanza telemática coas autoridades sanitarias para analizar a incidencia do covid en Burela e as normas decretadas nas últimas horas.
O rexedor agradece “todo o que está facendo a veciñanza de Burela. Creo que está corresponsabilizándose ben e hai unha intención clara de normalizar o antes posible esta situación que nos está afectando tanto no aspecto sanitario como no económico”.
Alfredo Llano valora de xeito positivo a reapertura da hostalería de Burela desde o venres. O alcalde pide moita responsabilidade aos empresarios e tamén á cidadanía
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
