Lugo, 3 de decembro de 2020. A Secretaria Provincial e Deputada Autonómica, Patricia Otero, avanzou hoxe que o Grupo Parlamentario Socialista rexistrou o pasado mes de novembro, diversas iniciativas para instar á Xunta de Galicia a que habilite na maior brevidade, no Xulgado de Violencia sobre a Muller de Viveiro, un espazo propio e digno como sala de agarda para as mulleres maltratadas que comparecen nel. Trátase dunha carencia que denunciaron en abril de 2019 os propios funcionarios de Xustiza, e que malia as promesas da Xunta non foi solventada a día de hoxe.
Nesa liña lembra que “o pleno ordinario do Concello de Viveiro, aprobou por unanimidade, unha moción presentada por todos os grupos da corporación para esixir a posta en marcha de xeito inmediato desta sala de agarda do Xulgado de Violencia contra a Muller para as vítimas de agresións machistas que queren denunciar os seus agresores”.
Otero remarca, na proposición rexistrada, que o Grupo Parlamentario Socialista xa se fixo eco desta reivindicación a través dunha pregunta en sede parlamentaria, interpelada ao Vicepresidente, Alfonso Rueda, en maio de 2019. E aludiu á resposta dada sobre este asunto, na que anunciou “que a Xunta de Galicia habilitaría no Xulgado de Violencia sobre a muller de Viveiro un espazo digno como sala de espera para as mulleres maltratadas que comparezan no xulgado nos vindeiros meses, antes de rematar o ano 2019”.
A Deputada Autonómica replica que en maio do 2019 “xa lle reclamabamos ao Goberno de Feijóo que era urxente habilitar unha sala propia e digna no xulgado, un espazo que ofreza anonimato para evitar a súa exposición pública nos corredores destas dependencias. Evitando así que se poidan cruzar cos seus agresores, ademais de ter unha certa comodidade, pois o trámite da denuncia pode durar varias horas”.
Non pedimos milagres, reclamamos o que é de xustiza
Así as cousas Otero denuncia a política de propaganda do PP sobre este tema, pero sobre todo a pouca sensibilidade amosada polo executivo de Feijóo cara ás vítimas de violencia de xénero. “A día de hoxe, máis dun ano e medio despois daquel anuncio en sede parlamentaria, o xulgado de Viveiro carece desta sala. Non pedimos milagres, reclamamos o que é de xustiza. Que unha persoa que acuda ao xulgado de Viveiro para denunciar un caso de violencia de xénero, poida facelo con tódalas garantías. Demandamos dignidade e atención as vítimas”, resumiu.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
