Ribadeo, 3 de decembro de 2020. Mañá, venres, á tardiña será acendido o alumeado de Nadal en Ribadeo, que contará en total con máis de 800.000 luces led. Estará en funcionamento ata o 7 de xaneiro. Neste 2020 presenta novidades como as figuras tridimensionais ou as luces que se poderán ver nalgunhas rúas.
O concelleiro de Desenvolvemento Local e Comercio, Pablo Vizoso, explicou: “segundo os datos que nos pasan os técnicos e os operarios da empresa de instalación do alumeado de Nadal, se sumamos todas as microluces que conforman a totalidade dos arcos, das iluminacións nas farolas e nas árbores e as das figuras en 3D estaríamos superando as 800.000 luces led en total, unha cifra moi importante e moi significativa para Ribadeo e que acadamos por segundo ano consecutivo”.
O edil ribadense contou que “tan só a árbore instalada no parque de San Francisco, que ten unha altura duns 14 metros e cunha tecnoloxía RGB, que significa que vai cambiando alternativamente de cor, dispón duns 30.000 leds. Os arcos e os adornos instalados nas farolas son en ton branco frío con figuras de metacrilato e tiras de neón. Hai tamén figuras tridimensionais colocadas en diferentes puntos da vila, algunhas delas con detalles apropiados para os máis pequenos”.
Pablo Vizoso engadiu que “mantemos a iluminación en todas as rúas ás que chegamos o ano pasado e incluso nalgúns casos ampliouse un pouco ata o final de avenidas como Rosalía de Castro ou de Asturias. Outra das novidades deste Nadal, xunto cos arcos e o resto da decoración, é a cortina de luz da rúa Reinante”.
O concelleiro de Comercio agarda que “esta iluminación nos anime, nos meta de cheo do Nadal e que serva para que xente siga vindo mercar ao noso comercio e a disfrutar da nosa hostalería, e en xeral a gozar de todos os servizos e atractivos que ofrece Ribadeo”.
O investimento realizado no alumeado de Nadal deste ano é de preto de 24.000 euros.
Este venres será acendido o alumeado de nadal en Ribadeo, con grandes novidades e con máis de 800.000 luces led
Relacionado
-
Lourenzá celebra unha nova tarde de lecer con Xogando á petanca dentro de Verán na Praza
-
Cariño deseña un dispositivo especial de mobilidade e seguridade para vivir o eclipse e habilita un servizo especial de autobuses.
-
Acisa Ribadeo anuncia a renovación da súa xunta directiva con lista única e paritaria
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
