Viveiro, 10 de decembro de 2020. O Concello de Viveiro animará un Nadal distinto por mor da Covid-19 con tres actividades pensadas para realizar en familia e que cumpren o protocolo de seguridade para evitar contaxios.
A delegación de Cultura do Concello de Viveiro, que dirixe Lara Fernández, creou unha app para enviar postais reais aos Reis Magos, de xeito que os nenos e nenas do municipio poidan comunicar por carta a Melchor, Gaspar e Baltasar os seus desexos para o 6 de xaneiro.
Desde o Concello animan ás crianzas a contarlles ás súas Maxestades como lles foi e que fixeron durante un ano tan atípico como o 2020, que propósitos teñen para o 2021 e pedir algún agasallo. As misivas escanearanse ou fotografaranse e subiranse de forma sinxela á web https://www.postaisreais.com/, co 28 de decembro como data límite para facelo. Todos aqueles pequenos e pequenas que participen recibirán unha resposta personalizada dun paxe real designado polos Monarcas de Oriente para a ocasión.
Por outra banda, a app ‘Tras os Pasos do Elfo’ permitirá a nenos e grandes participar nunha gymcana con actividades tanto online como offline. Trátase dun percorrido cultural que agocha pistas en distintos lugares de Viveiro. Coa primeira delas obterase un código, que permitirá abrir unha das portas da web. Na páxina hai distintas probas e adiviñas -xogos de memoria, puzles, sopas de letras ou quebracabezas- que resolver. A última pista leva ao Elfo, a quen se lle poderá entregar unha carta para un buzón de Papá Noel disposto en colaboración do Centro Comercial Histórico de Viveiro (CCHV). As dúas aplicacións son gratuítas.
“Temos que adaptarnos á situación derivada da pandemia pero nunca esquecer que o Nadal é un tempo máxico para os nenos e nenas; pasaron un ano complicado e merecen unhas boas festas”, asegura a alcaldesa de Viveiro, María Loureiro.
Finalmente, o Concello convida ás familias de Viveiro a mandar un vídeo breve (poñédeslle duración máxima de 15 segundos) felicitando o 2021, coa fin de facer unha peza audiovisual de felicitación de Aninovo conxunta.
A Concellería de Cultura anima á veciñanza a ser creativa e amosar o seu sentido do humor, ou simplemente a espoñer os seus mellores desexos de cara ao ano que vén. As persoas que queiran participar poden enviar os seus vídeos ao número de whatsapp: 676877799.
Sen prexuízo da programación cultural de Nadal, estas tres actividades pretenden ofrecer unha alternativa de ocio para grandes e pequenos. Fano tentando manter o espírito familiar e de comunidade e as tradicións do Nadal e evitar as aglomeracións, tal e como recomendan as autoridades sanitarias.
O Concello de viveiro lanza APPS para enviar cartas aos Reis Magos, con respostas personalizadas, e para a gymcana ‘Tras os pasos do Elfo’
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
