Ribadeo, 12 de decembro de 2020. Este mediodía foi clausurado o obradoiro dual de emprego Ribadeo alén do Camiño, promovido polo Concello de Ribadeo e financiado pola Consellería de Emprego e Igualdade da Xunta de Galicia. Ao acto celebrado no salón de plenos asistiron o alcalde, Fernando Suárez, o concelleiro de Desenvolvemento Local, Pablo Vizoso, e o delegado territorial da Xunta en Lugo, Javier Arias.
O rexedor dixo: “sei que aproveitastes todos estes meses para aprender e aínda que na vosa cuestión laboral futura non vos dediquedes exactamente a isto si que vos vai supoñer un pouso cultural e académico para seguir adiante cos vosos quefaceres laborais”. Suárez Barcia agradeceu a asistencia de Javier Arias a este acto de clausura e de entrega de diplomas.
Cun total de 20 participantes, este obradoiro tivo desde o seu inicio dous obxectivos principais. O concelleiro de Desenvolvemento Local, Pablo Vizoso, subliñou que “o primeiro gran obxectivo a cumprir foi o de conseguir que os 20 alumnos/as participantes, que ata a súa incorporación ao proxecto estaban en desemprego, adquiriran a formación e destrezas profesionais necesarias, procurando a súa cualificación profesional e favorecendo a súa posterior inserción laboral. Para isto, impartíronse dúas especialidades formativas, dirixidas á obtención por parte dos participantes do correspondente certificado de profesionalidade, a de Confección e publicación de páxinas web e a de Promoción turística local e información ao visitante, dous perfís profesionais cunha ampla e importante demanda laboral para desenvolver a súa actividade profesional tanto por conta propia, como por conta allea en empresas ou entidades públicas ou privadas relacionadas co desenvolvemento de software con tecnoloxías web no primeiro caso, e coa información e asesoramento, planificación, creación de produto e promoción turísticas e xestión de unidades de información e distribución turísticas no segundo”.
O edil ribadense indicou que “o segundo obxectivo centrouse en promocionar e poñer en valor o Camiño de Santiago ao seu paso por Ribadeo co fin de consolidar ao Concello como a porta de entrada do Camiño Norte, favorecendo a difusión deste itinerario e destacando o papel do municipio como fito de gran relevancia dentro do mesmo”.
O traballo desenvolto neste obradoiro centrouse en salientar a importancia do patrimonio cultural, natural e inmaterial atopado ao longo deste percorrido para o que se desenvolveron diferentes actividades durante estes meses a través da promoción turística e información ao visitante así como a publicación e confección de sistemas de promoción a través das novas tecnoloxías, empregando referentes e atractivos turísticos como O Santuario de Nosa Señora das Virtudes da Ponte de Arante, que alberga o maior patrimonio en pinturas murais tardo medievais e outros atractivos patrimoniais e naturais que podemos atopar neste concello.
Vizoso Galdo contou que “froito dunha parte destas actividades que se desenvolveron destaca a publicación da páxina web caminodesantiago.ribadeo.gal, que contribuirá a reforzar o papel da Ribadeo como un enclave de relevancia dentro das vilas históricas polas que pasa o Camiño do Norte, declarado Patrimonio da Humanidade pola Unesco. É xunto có Camiño Primitivo unha das vías de peregrinación a Compostela con maior historia e antigüidade. Nela os usuarios deste camiño atoparán a toda a información que poidan precisar para axudalos a planificar o seu itinerario, ven sexa porque chegan a Ribadeo durante o seu percorrido ou porque escollan a vila como punto de partida cara a Compostela”.
O concelleiro de Desenvolvemento Local engadiu que “a través do catálogo Ribadeo prepara o teu Camiño, ponse a disposición dos camiñantes unha mostra de produtos e servizos pensados e centrados nas súas necesidades, que prestados desde a rede local de Establecementos amigables co peregrino contribuirán a facerlle a súa estadía máis grata e achegaralles un pouco da calidade e bo facer do comercio e da hostalería locais. A páxina tamén ofrece información dos principais recursos patrimoniais, culturais e naturais a través do deseño dun plano interactivo, e inclúe a posibilidade de facer visitas virtuais a través de fotografía panorámica 360º polas principais rutas turísticas existentes no municipio, contribuíndo á mellorar a promoción turística local e potenciando o papel de Ribadeo dentro dos principais destinos turísticos no ámbito cultural e patrimonial de Galicia”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
