Santiago de Compostela, 15 de decembro de 2020. A secretaria xeral técnica da Consellería do Mar, Silvia Cortiñas, defendeu hoxe no Parlamento o labor realizado pola Xunta desde o inicio da alerta sanitaria polo coronavirus para dar apoio ao sector pesqueiro e lamentou que o Goberno do Estado non respondese ás reiteradas peticións do Executivo galego para que establecese un protocolo de actuación fronte aos casos de covid-19 rexistrados a bordo dos buques pesqueiros.
Neste sentido, a representante do Executivo galego lembrou na Comisión 8ª de Pesca e Marisqueo que a Consellería do Mar emitiu desde o primeiro momento recomendacións para extremar as medidas de prevención a bordo dos barcos, á espera das resolucións que emitise a administración competente na atención sanitaria a bordo, así como instrucións de actuación ás lonxas para manter a súa actividade con garantías e contribuír ao subministro de produtos do mar á cidadanía.
A secretaria xeral técnica tamén lamentou a falta de claridade e resposta en relación coas consultas feitas sobre a realización de test aos tripulantes dos buques de xeito previo ao embarque dado que había empresas armadoras interesadas en facelos pola súa conta. Non obstante, a petición da Xunta non foi atendida polo Goberno central, que se limitou a remitir á normativa que regulaba a disposición e uso de test, sen clarexar as dúbidas existentes ao respecto da súa aplicación.
Ante esta situación, o Executivo galego adoptou varias medidas para garantir a seguridade da frota. Entre elas, a realización de test ás tripulacións dos barcos galegos que participaban en maio na campaña da anchoa e pola que máis de 400 tripulantes de 40 barcos puideron testar a presenza do virus grazas ao apoio das confrarías vascas e cántabras e aos servizos de saúde vasco e cántabro, que actuaron por mediación do Servizo Galego de Saúde (Sergas).
Silvia Cortiñas tamén recordou que a Consellería do Mar e o Sergas asinaron en xuño un convenio co Instituto Social da Mariña (ISM) polo que a comunidade facilitaría ao organismo estatal os test serolóxicos para ser realizados aos tripulantes que fan mareas longas e formaría aos médicos do ISM para a súa realización. Galicia xa entregou máis de 2.500 test ao ente dependente do Goberno central -que é o que ten competencias para facelos- e formou ao seu persoal pero a realización de probas diagnósticas, lamentou, é escasa.
En canto ao protocolo de actuación específico para os casos de posibles enfermos de coronavirus a bordo dos buques, Galicia pediu en varias ocasións ao Estado a súa elaboración co obxectivo de distribuír as funcións nese protocolo en virtude das competencias e capacidades de cada departamento e clarificar a actuación tanto mentres o buque estivese no mar como durante o traslado a terra dos tripulantes.
Con ese obxectivo, incidiu a secretaria xeral técnica, as distintas Consellerías mostraron xa en abril a súa disposición a facilitar a organización destas cuestións segundo a área sanitaria e os hospitais de referencia así como a aportar os medios dispoñibles para o mantemento das corentenas. O Ministerio de Sanidade, non obstante, desbotou a posibilidade de desenvolver este protocolo alegando que esas competencias correspondían ás comunidades autónomas e a outros organismos como Sanidade Exterior.
Campaña do bonito
A directora xeral de Pesca, Acuicultura e Innovación Tecnolóxica, Mercedes Rodríguez, pola súa banda, analizou o desenvolvemento da campaña do bonito do norte nos últimos anos e lamentou que está a durar arredor de dous meses e medio, fronte aos catro meses que adoitaba prolongarse normalmente. Ante esta situación, a Xunta xa lle trasladou á Secretaría Xeral de Pesca a necesidade de organizar ben a pesqueira para que permita traballar ás embarcacións que participan na campaña o maior tempo posible.
Nesta liña, e dado o bo estado no que se atopa o recurso, Galicia tamén pediu ao Goberno central que defendese na Comisión Internacional para a Conservación do Atún Atlántico (Iccat) o incremento das posibilidades de pesca para o ano que vén co obxectivo de prolongar a duración da campaña e evitar que outras especies se vexan sometidas a unha maior presión pesqueira.
Extracción da mexilla
Mercedes Rodríguez tamén detallou as xestións realizadas pola Consellería do Mar para mellorar a regulación sobre a extracción de mexilla en bancos naturais e explicou que hai creado un grupo de traballo con representantes das asociacións de bateeiros e das confrarías de pescadores para analizar toda a normativa e as distintas propostas de cara a fixar unha normativa a longo prazo, non só para a presente campaña. O labor dese grupo de traballo xa permitiu emitir por primeira vez unha resolución que regula o horario de extracción da mexilla e segue a traballarse noutras cuestións vencelladas coa extracción, como as zonas, co obxectivo de elaborar unha normativa que perdure no tempo.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
