O concurso consiste en presentar un debuxo ou un relato, a elixir, sobre “como te ves cando sexas unha persoa maior?”. O debuxo presentarase nun DIN-A4 e o relato, ata un máximo de 2 páxinas en DIN-A4, en galego ou castelán. Haberá 3 categorías, segundo idade, de 6 a 9, de 10 a 12 e de 13 a 16 anos. Cada categoría terá 3 premios. Para participar, presentarase o traballo xunto cunha folla de inscrición, a cal atoparán no Facebook do propio concurso “nenos e maiores”. Poderán presentalo ata o luns, 21 de este mes na Librería Bahía ou en Cenor Belianorte, de Foz; ou ben, enviandopor correo ordinario ao Centro de Día “aloumiños” sito na Rúa Corporacións, 52 de 27780 Foz.
Aloumiños e Aloufogar convocan o Concurso “Nenos e Maiores” de debuxo ou relato para todas xs nenxs de 6 a 16 anos da Mariña, co obxeitvo de sensibilizar co trato e coidado das persoas maiores como os beneficios da súa relación cos seus avós
Relacionado
-
Persoa afectada por un raio en Xermade
-
Máis de vinte representantes dos GALP galegos participaron entre o 28 de setembro e o 2 de outubro nunha visita de estudo ao País Vasco para coñecer experiencias de relevo xeracional, formación e innovación no sector marítimo‑pesqueiro
-
Tres persoas feridas nunha colisión frontal en Castro de Rei
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
