Nota de Prensa
O BNG DE FOZ PRESENTA UNHA MOCIÓN EN CONTRA DOS RECORTES SOCIAIS APROBADOS POLO GOBERNO DO ESTADO
Basanta espera que o Pleno da Corporación estea ao lado das persoas e non dos mercados e dos partidos que defenden as súas políticas
Foz, 24 de maio de 2010.- O BNG de Foz presentou unha moción, para tratar no Pleno deste mes, en contra das medidas que en materia de política económica fixo públicas o goberno do Estado o pasado 20 de maio e que se concretan, entre outros aspectos, na conxelación das pensións contributivas para 2011, na reducción do salario dos funcionarios e funcionarias nun 5%, na negativa a que se cobre retroactivamente as axudas establecidas na Lei da Dependencia e na supresión do cheque-bebé. O portavoz municipal, González Basanta, espera “que a Corporación de Foz estea ao lado das persoas e non dos mercados financeiros e dos que defenden as súas políticas”.
A medida da tomadas máis gravosa para Galiza é a decisión de conxelar en 2011 as pensións contributivas xa que e as pensións galegas xa son as máis baixas do Estado (en Lugo a media está nos 638 euros cando a media estatal está nos 880 euros). A reducción salarial aos funcionarios e funcionarias é unha medida demagóxica, na liña de que non todos os traballadores e traballadoras da función pública teñen o mesmo salario, non pasando moitos deles dos 700 euros e non superando o 53% deles os 1.000 euros mensuais. As políticas de apoio á natalidade como o cheque-bebé, con independencia da necesidade da súa revisión en base a criterios de progresividade e de renda, son necesarias se atendemos aos problemas demográficos e á necesidade de impulsar a natalidade nun pais como Galiza cunha poboación das máis envellecidas do Estado. Tamén son especialmente negativas o resto de medidas, nomeadamente a supresión da retroactividade no pago das axudas á dependencia, o que significa a alteración mesmo da normativa pola que se aprobou esta lei.
Basanta considera que todas estas medidas son medidas que significan claros recortes sociais e diminúen o poder adquisitivo da maioría da poboación, e polo tanto reducen o seu poder de compra, o que vai dificultar un aumento do consumo e da demanda interna que son fundamentais para saír da crise. Ademais, son medidas que responden a lóxica da dereita máis reaccionaria de pretender transferirlle o custo da crise económica as clases traballadoras e aos sectores sociais máis desfavorecidos economicamente, precisamente a aquelas persoas que non tiveron ningunha responsabilidade na crise que se está a vivir e que tampouco se beneficiaron do crecemento especulativo que provocou esta situación, deixando campantes aos verdadeiros culpables. Neste sentido afirmou que “o PSOE actúa como un partido de dereitas; só lle falta levar adiante a reforma laboral anunciada para facer exactamente o que faría o PP”
Para o BNG existen outras políticas que permitirían conter o déficit sen reducir prestacións nin servizos sociais como son a supresión da duplicidade nas administracións (Ministerios con competencias cedidas ás Comunidades Autónomas ou Deputacións Provinciais), reducción de gasto militar (300 m/€ anuais custaron as tropas en Afganistán no 2009) ou unha reforma fiscal máis xusta que grave a quen máis ten (restablecendo o Imposto do Patrimonio, loitando contra o fraude fiscal ou subindo o IRPF ás rendas máis altas).
Para o portavoz municipal, González Basanta, todas estas medidas antisociais aprobadas polo Goberno Zapatero son malas para Galiza e malas para os galegos porque van a provocar un maior distanciamento da renda dos galegos e galegas con respecto ao resto do Estado, se a esto ademais lle sumamos a inactividade da Xunta porque o Goberno Feijoo tamén é moi culpable de que Galiza sexa a comunidade onde máis medrou o paro no primeiro trimestre de 2010 (32.000 novos parados que representan unha suba do 19´1 % fronte ao 6,6% da media estatal) pola falta de políticas activas de emprego e o apoio aos sectores productivos do pais.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
