Ninguén dubida xa que o maior recorte social da historia da democracia que vén de impoñer o Goberno de Zapatero prexudicará dun xeito evidente á gran maioría de veciñas e veciños da nosa comarca. Non é necesario ser un experto demográfico para saber que os dous colectivos máis castigados pola tesoirada socialista, os xubilados e as familias con rendas medias, teñen un gran peso específico no conxunto da Mariña lucense e sufrirán os prexuízos dunhas medidas absolutamente antisociais.
Malia que Zapatero e todo o seu Gabinete se esforza por facernos crer que pagarán o custe da crise “os que máis teñen” a realidade é moi diferente e amosa que, unha vez mais o mandatario socialista nos está a mentir, como cando negou a existencia da crise e falou de brotes verdes. Por moito que se esforce o PSOE en ocultalo a suba de impostos fai que os que menos teñen sexan os que paguen as consecuencias da crise e da súa incompetencia.
Pero o certo é que Zapatero xa subiu os impostos. Así o fixo cando incrementou a carga fiscal da gasolina, dos combustibles, da luz, do teléfono ou do tabaco. E o seguirá a facer de non dar marcha atrás na pretendida suba do IVE, pola que todo estará máis caro, será máis complicado para moitas familias chegar a fin de mes, se prexudicará á competitividade das nosas empresas, se desanimará a compra no comercio local e asfixiará ao sector turístico da Mariña.
Zapatero puido apostar por copiar as receitas que Feijóo aplicou en Galicia para loitar contra a crise e o déficit, e puido reducir, por tanto, os gastos da Administración pública e da Administración paralela pero, pola contra, apostou por un modelo económico segundo o cal son os cidadáns os que teñen que solucionar os problemas do Goberno, e non ao revés.
O Executivo antisocial de Zapatero merece o noso máximo rexeitamento, tamén na Mariña, algo que o Partido Popular promoverá desde os distintos concellos. Zapatero perdeu toda a credibilidade. Pero tamén aquí cómpre subliñar a responsabilidade de todo o PSOE, cómplice necesario destas medidas co seu silencio, e do BNG, que malia que agora quere facernos crer o contrario, non so propiciou que fora posible a investidura de Zapatero, senón que deu pé a que se aprobaran ou apoiou directamente durante anos os orzamentos xerais do Estado, as bases da política económica dun Goberno -o socialista- cuxos erros hoxe sufrimos todos e, de xeito especial, os veciños da Mariña lucense.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.