Lugo, a 29 de decembro de 2020. O grupo provincial do PP anunciou na sesión plenaria celebrada pola Deputación esta mañá, antes da correspondente votación, que se abstería de dar o visto bo as bases do Plan Provincial Único de Cooperación cos concellos 2021, segundo explicou o portavoz popular, Javier Castiñeira, “non foi chamado a participar; salvo “que se recolla a emenda de subir ata 25 millóns o importe do plan e acepte o compromiso de repartir os fondos europeos con criterios obxectivos e pactados entre todos os grupos desta corporación”.
O portavoz popular iniciou a súa intervención felicitando ao presidente, José Tomé, porque “cremos –dixo- que é unha mellora substancial aprobar as bases do plan antes de iniciar o exercicio 2021 tal e como lle pediamos en marzo deste ano cando aprobamos o do 2020”. Está convencido de que desta maneira “axúdase bastante aos concellos a xestionalo e poder facer os tramites con maior seguridade xurídica”. A continuación puntualizou que “de igual que é xusto e de recibo felicitalo polo prazo tamén lle dicimos que non pode estar satisfeito, porque satisfeito podería estar se trouxese un plan consensuado e traballado coa oposición, que novamente coñeceu pola prensa que se van aprobar as bases do plan único neste pleno”. A pesar de todo, Castiñeira confirmou o “ofrecemento do grupo popular a colaborar e volvemos repetirllo a pesares do seu ninguneo continuo”.
Castiñeira sostivo que Tomé, como fixo en relación cos orzamentos, demostra de novo que non é home de acordo e consenso, e que, se quere parecerse ao seu predecesor, debe mellorar. Sinalou: “Cito ao señor Campos porque foi el, a iniciativa da popular Elena Candia o que pactou a creación dun Plan Único anual de reparto con criterios obxectivos; vostede señor Tomé vive desas rendas e non foi capaz nestes dous anos de pactar co partido maioritario nin un so acordo transcendental para a provincia”.
Castiñeira dixo tamén que Tomé non pode estar satisfeito dado que incumpre a súa promesa e practicamente conxela o importe do Plan Único, de maneira que apenas se incrementa en 200.000 euros. Lembrou que Tome prometera unha suba do 25%. O portavoz popular está convencido de que Tomé non alcanza a comprender que o ano 2021 será decisivo e excepcional.
A proposta do PP é esta: “Incorpore os 3,5 millóns de euros do fondo extraordinario do ano pasado ao Plan Único, o que suporía aproximadamente un 15 % para este ano e ir avanzando na súa promesa”. Castiñeira lembrou as decisións adoptadas na Deputación da Coruña: “Subiron o Plan Único un 37% pasando de 47,2 millóns de euros a 64,6 millóns. Na Deputación da Coruña o Plan Único respecto ao orzamento de 185 millóns de euros supón un 35%, mentres que en Lugo esa cantidade redúcese a un 23%, máis baixo aínda que a Deputación de Pontevedra no que o plan de concellos supón un 25,7% en comparación co orzamento (42,5 millóns do plan concellos cun orzamento de 165 millóns)”.
Castiñeira está convencido de que Tomé non incrementa o Plan Único porque así “ten máis cantidade para os convenios a dedo. recórdolle o que nos dixo o ano pasado, que non se podía incrementar en 700.000 € posto que non se cumpría a estabilidade e semanas despois traen 3,5 millóns sacados do remanente para convenios a la “carta”, que a día de hoxe convertéronse xa en 4,87 millóns”. Explicou que “deses 4,87 millóns só o 3 % foron para concellos do PP a pesares de ser case que a metade, pola contra os do PSOE levan o 50% e os BNG, que son 4, o 15%”. Os populares din que “ese é o reparto que lles gusta a vostedes, polo que se Campos e Candia non firmaran o Plan Único no 2017 vostedes non o terían implantado”.
O portavoz popular manifestou: “Sabemos, señor Tomé que non lle gusta o Plan Único: non lle gusta, porque vostede é máis de dar de comer á boca e non da autonomía local”. Engadiu: “tampouco nos gusta que elimine as prórrogas. Xa llo dixemos o ano pasado”. Preguntou ao presidente se sabía cantos concellos solicitaron prórrogas na última edición do plan e responde el mesmo: 32.
Castiñeira insistiu na súa petición a Tomé: “corrixa a cantidade e suba 3,5 millóns a cantidade total ata os 25 millóns porque pode facelo como así se demostrou o pasado ano a cargo do remanente e pedímoslle tamén neste caso un reparto obxectivo dos fondos de recuperación que poda percibir a deputación de Europa, e suplementar o plan único unha vez os reciba”.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
