Lugo, 30 de decembro de 2020. Os Orzamentos da Deputación de Lugo para o ano 2021, que ascenden a 92,5M€, entrarán en vigor o 1 de xaneiro tras publicar hoxe o Boletín Oficial da Provincia (BOP) a súa aprobación definitiva, acordada pola Corporación provincial no Pleno ordinario de onte tras desestimar a única a alegación presentada.
Deste xeito, o Goberno cumpre co obxectivo que marcou o Presidente da Deputación, José Tomé Roca, ao inicio do mandato de contar dende principios de ano cun instrumento inversor fundamental para a provincia como son os presupostos da institución provincial.
A Deputación de Lugo disporá dende o 1 de xaneiro de 2021 cun orzamento de 92,5M€, un terzo dedicado a políticas sociais, para seguir traballando da man dos concellos e do tecido social e produtivo de cara a mellorar e aumentar os servizos públicos, e favorecer a reactivación da economía fronte aos efectos da pandemia.
Catro liñas de acción prioritarias
Para elo, o Goberno provincial reforza as súas liñas de acción prioritarias: as políticas sociais, o apoio aos sectores produtivos estratéxicos, a cooperación cos concellos e a mellora da mobilidade.
En canto a políticas sociais, ás que dedica 30M€, destaca a subida dos investimentos para o mantemento e a creación de emprego ata chegar aos 9M€, o que supón o dobre que os fondos destinados a este fin neste 2020.
Así mesmo, os Orzamentos contemplan 8M€ para a rede de centros públicos de atención a maiores, coa previsión de abrir catro residencias, a de Castroverde, xa en marcha, e as de Pedrafita, Meira e Navia, o que supoñerá a creación de 190 novas prazas asistenciais e de 100 postos de traballo directos no rural.
Polo que respecta ao apoio aos sectores produtivos da provincia, destacan as partidas para accións enfocadas ao sector agrogandeiro, forestal e do mar, que suben un 13%, ata os 2,3M€, e os fondos para turismo, que aumentan un 10%, ata os 3M€.
O principal instrumento de cooperación cos concellos co que conta a Deputación, o Plan Único, cuxas bases aprobou onte o Pleno, sube ata os 21,5M€ e abre unha nova día de apoio ó sector servizos -hostalería, comercio e turismo-, que resultou dos máis afectados pola crise sanitaria. Así mesmo, ao aprobarse no ano anterior ao seu período de vixencia e permitir que se poidan imputar gastos de contratación de persoal dende principios de ano, os concellos poderán aproveitar mellor os fondos do Plan Único e ter máis tempo para executalos.
En canto á mobilidade, o Goberno volve a demostrar que é un obxectivo prioritario subindo os investimentos en estradas un 14%, ata chegar aos 16M€, destinados a tarefas de mellora, desbroce, conservación e mantemento da rede viaria provincial, a máis extensa de todo o Estado e tres veces maior que a da Xunta en Lugo.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
