Madrid, 1 de xaneiro de 2021. O portavoz do Bloque Nacionalista Galego no Congreso, Néstor Rego, lamenta que o Goberno español máis unha vez ignorara os intereses da Galiza e dera o visto bo ao Acordo que suporá unha nova redución das cotas de pesca para a frota galega que porá en risco o futuro desta importante actividade produtiva e sector básico da economía galega. .
Un dos principais temas de debate nas negociacións do Brexit foi as cotas de pesca para a frota dos países comunitarios en augas territoriais do Reino Unido despois da súa separación da Unión Europea. Néstor Rego destacou que o acordo aprobado o pasado día 24 de decembro permite unha redución de 25% das cotas de pesca nos caladoiros británicos e esta nova rebaixa suporá un novo golpe para o sector pesqueiro de Galiza, que volve acumular restricións á súa capacidade produtiva que deron comezo desde o momento en que o Estado español entrou na Unión”.
O BNG considera que o Brexit é a oportunidade perfecta para avaliar e reformar os criterios de reparto de cotas pesqueiras na Unión, e concretamente é necesario abordar a revisión do principio de estabilidade relativa que non permite un reparto equitativo e axustado ás capacidades produtivas de cada país e que supuxo desde o momento da entrada do Estado Español na Unión Europea a asignación de cotas insuficientes para a frota galega e en consecuencia a paulatina redución da propia frota pesqueira da Galiza.
Ademais, a formación nacionalista demanda que se recoñeza a Galiza o carácter de Zona Altamente Dependente da Pesca, o que suporía unha maior protección do sector evitando o seu afogamento, pois permitiría melloras no acceso a cotas e no financiamento da actividade produtiva. Esta categoría supón considerar a Galiza como unha poboación onde a contribución do sector pesqueiro para a actividade da zona é tal que as dificultades deste sector dan lugar a reducións de actividade e perdas de emprego que deterioran seriamente o tecido socioeconómico, condicións que claramente se dan no caso de Galiza, como distintos estudos puxeron de manifesto.
En todo caso, o BNG considera que a actuación do Goberno español demostra novamente que para defender adecuadamente os intereses de Galiza e que non se utilicen como moeda de cambio é necesario asegurar a capacidade de decisión da Galiza, e que poda encargarse das negociacións pesqueiras que se desenvolven a nivel internacional, polo gran peso que supón na súa economía. Galiza debe ter voz propia, e por iso Rego reclama capacidade para Galiza para negociar directamente as cuestións de especial relevancia para a súa economía, como é o caso dos acordos en materia de pesca, para evitar así que estas se volvan a considerar prescindíbeis en aras de intereses políticos ou económicos alleos.
“O sector pesqueiro é fundamental na economía da Galiza e debe protexerse para asegurar o seu desenvolvemento futuro, sendo para iso necesario de forma urxente revisar os índices que serven de base para a fixación dos topes de capturas, dar a Galiza a protección adecuada como zona altamente dependente da pesca e asegurar que teña voz propia e voto nas negociacións en materia de pesca” subliñou Rego.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
