Santiago de Compostela, 22 de Xaneiro 2021.- A expansión do virus en Galiza está descontrolada con datos tan demoledores que non deixan dúbidas da escalada, tanto en número de contaxios, falecementos e presión asistencial. Nos últimos dez días, a cifra de novos infectados COVID foi de 10.862, o que supón o 63% dos contaxios activos a día de hoxe.
Neste contexto, a portavoz nacional, Ana Pontón, considera inaudito que o presidente da Xunta liquidase a rolda de prensa posterior á reunión semanal do Goberno sen anunciar nin unha soa medida para conter a pandemia e que se marche de fin de semana como se a situación non fose de emerxencia sanitaria.
“O presidente da Xunta comparece para dicir literalmente nada, sen propoñer nin unha nova medida para frear o descontrol do virus e remitindo aos próximos días. Noutras palabras, que a pandemia está fora de control e Feixóo vaise de fin de semana en plena emerxencia sanitaria, con cifras de contaxios nunca vistas en Galiza, e coa curva da COVID disparada sen que anuncie ningunha nova proposta para controlar o virus”, denunciou a líder nacionalista na comparecencia de prensa posterior ao encontro co sector da hostalería.
Subliñar que a incidencia acumulada está por riba dos 500 contaxios por cada 100.000 habitantes duplicando o nivel que se considera de risco extremo, e moi por riba da que soportan países como Alemaña que, sen embargo, ten adoptadas medidas moito máis restritivas.
“Non se pode nin ser máis irresponsable e non vale esconderse tras a irresponsabilidade do Goberno central, a cuxa actitude errática súmase agora o feito de ter ao máximo responsable da sanidade na dobre situación de ministro e candidato electoral. Pero que outros non actúen non pode servir a Feixóo como escusa para non exercer as súas funcións como presidente da Xunta”, alegou.
A líder do BNG insiste en reclamar medidas contundentes e de probada eficacia para deter a cadea de contaxios e salvar vidas e, neste sentido, Pontón reiterou a petición dun confinamento de dúas semanas ampliables se fose necesario. “Que espera o Goberno central e o Goberno da Xunta para poñer esa medida sobre a mesa? Canto máis descontrol da pandemia precisan? Espero que o Executivo de Sánchez non estea condicionado por ningún proceso electoral, e que o de Feixóo deixe de agocharse e se decida a tomar as medidas necesarias para controlar a pandemia. Nada é hoxe mais prioritario”, alegou.
A portavoz nacionalista indicou tamén que o xefe do Executivo galego debería descolgar o teléfono e convocar aos responsables das forzas políticas para poñer en común propostas e a análise ante a situación da pandemia.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
