Ribadeo, 22 de xaneiro de 2021. Ás sete desta tarde rematou o prazo para reclamar os premios da X Festa do Comercio de Acisa Ribadeo que, por primeira vez e por mor da situación sanitaria, non foi presencial. Varios foron os afortunados que se achegaron polas oficinas da asociación para recoller os seus vales de compra ao longo dos últimos días.
O primeiro premio, dotado con 2.000 euros en vales para gastar nos establecementos asociados, foi para Manuel Ron Novo, un veciño de San Tirso de Abres. A papeleta premiada co número 30.584 foille entregada en Óptica Miró.
O terceiro premio, de 500 euros en vales de compra, correspondeulle a Nuño Cao Rivas, de Ribadeo. A papeleta premiada co número 47.132 foille entregada no Bar Cienfuegos.
En xogo estaban tamén 5 premios de 100 euros cada un en vales de compra, dos que foron reclamados catro. Os afortunados foron Adrián Fernández Díaz, de Ribadeo; Estíbaliz Murias Lamas, de Ribadeo; Pilar López Trevín, de Ribadeo; e Eliseo Coto López, de Vilaframil (Ribadeo). As papeletas premiadas cos números 121.943, 30.899, 48.566 e 66.452 fóronlles entregadas respectivamente en Casa Domingo, en Óptica Miró, en Farmacia Álvarez Lebredo e tamén en O Xantar de Pazos.
Os premios da X Festa do Comercio de Acisa foron recollidos ao longo dos últimos días. Desde a Asociación de Comerciantes, Industriais, Servizos e Autónomos subliñan que “quedaron desertos o segundo premio dotado con 1.000 euros en vales de compra e un dos premios de 100 euros. Tal e como figuraba nas bases desta campaña esas cantidades serán destinadas a novos sorteos”.
Acisa felicita aos gañadores da X Festa do Comercio, que dispoñen de dous meses para gastar eses vales nos 170 establecementos asociados. E agradece “a colaboración da Asociación de Veteranos, que doou parte dos premios desta edición”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
