Viveiro, 22 de febreiro de 2021. O Concello de Viveiro informa que a día de hoxe hai no municipio un total de 13 casos activos de coronavirus, situándose a incidencia acumulada entre 50 e 150.
Grazas a esta positiva evolución da situación epidemiolóxica, dende o concello estamos á espera de coñecer en concreto as decisións que se adopten na reunión do comité clínico da Xunta, das que informaremos nas próximas horas.
Hoxe, ademais, iniciouse a vacinación aos maiores de 80 anos, polo que dende o concello se contactou co Centro de Saúde por se necesitaban habilitar algún espazo público ou máis aparcamentos para a realización destas labores. Segundo se nos informou, en principio vaise desprazar un dispositivo para realizar a vacinación deste colectivo dentro do centro de saúde.
Dende o concello continuase en contacto co centro de saúde por se precisan algo, estando á súa disposición para colaborar no que sexa posible, como colaboramos coa instalación da carpa para a realización dos test de antíxenos.
Por último, o concello lembra a todos os veciños e veciñas a necesidade de continuar cumprindo estritamente todas as medidas impostas polas autoridades sanitarias, mentres agardamos a coñecer as novas decisións que se adopten ao respecto e das que se informará á veciñanza. “Queremos, tamén, agradecer a todos e todas o gran esforzo realizadas nestas últimas semanas e sobre todo ao sector servizos, especialmente á hostalaría e o comercio”, engade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.