Foz, 2 de marzo de 2021. O Concello de Foz adxudicou este luns, ao abeiro do Plan de Mellora de Camiños de Titularidade Municipal da Axencia Galega de Desenvolvemento Rural 2020-2021, a limpeza de marxes e o aglomerado en quente do camiño de subida ao núcleo de Vilela, en San Martiño.
O alcalde, Fran Cajoto, anuncia que se vai renovar completamente o firme en 900 metros de vial, desde o cruce do camiño que une a basílica de San Martiño con Ferreira Vella, ata o núcleo de Vilela. “É un camiño que se encontra en moi malas condicións, petición tamén da asociación de veciños, e no que se van a limpar as marxes e dispoñer unha capa de rodadura de aglomerado en quente de 5 centímetros de espesor”, explica o rexedor municipal.
Ademais Fran Cajoto indica que “o pasado venres tamén se remitiu a AGADER a solicitude correspondente ao Plan de Mellora de Camiños 2021-2022, neste caso cunha actuación centrada en Mañente (Vilaronte). Nesta ocasión o equipo de goberno decidiu centrarse en dous viais moi empregados nesta zona, tanto pola maquinaria agrícola como polos veciños, e que serve de conexión tamén do núcleo de Mañente coa estrada autonómica LU-152 Foz-Ferreira e a estrada provincial LU-P-2004. Cun firme moi deteriorado, vaise proceder tamén á limpeza de marxes, aglomerado en quente de 5 centímetros de espesor e pintado, para unha lonxitude de actuación de 940 metros de viais municipais.”
O alcalde engade: “desculparnos polas molestias que as obras ocasionarán aos veciños de Vilela, que comezarán nas próximas semanas. E os traballos de mellora en Mañente prevense para comezos do vindeiro ano 2022, previa aprobación do proxecto pola Axencia Galega de Desenvolvemento Rural, que financia as actuacións conforme aos proxectos redactados polos técnicos municipais e definidos polo goberno local de Foz”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
