Santiago de Compostela, 4 de marzo 2021. O BNG vén de acadar no Parlamento galego o compromiso do Sergas para cubrir as vacantes do servizo sanitario de cardioloxía na comarca da Mariña, que actualmente “só dispón dun profesional para 70.000 habitantes”, tal e como advertiu o deputado nacionalista Daniel Castro.
En resposta a unha pregunta formulada por Castro en comisión parlamentaria na que recriminou á Xunta a “insostible situación” da cardioloxía na comarca, o xerente do Sergas, José Flores, recoñeceu que o Goberno galego é “perfectamente consciente e responsable de que é a nosa obriga seguir intentado que o servizo se cubra” e comprometeuse a “sacar os profesionais de onde sexa necesario” para dar a cobertura precisa “de cardioloxía a todos os veciños da Mariña sen que teñan que desprazarse ao hospital de Lugo, neste caso”.
Logo dos argumentos empregados polo máximo responsable do Sergas para xustificar esta situación na dificultade de atopar especialistas, o deputado nacionalista emprazouno a mellorar as condicións laborais dos profesionais. “Quizais ten algo que ver que as condicións laborais sexan mellores noutros territorios ou mesmo noutros Estados”, recriminou, para a continuación recordarlle tamén que son moitas e moitos os profesionais que acaban na sanidade privada polas súas mellores condicións de traballo e por “non ter uns servizos públicos dignos e de calidade”.
De igual xeito, reprobou ao alto cargo da Xunta que “dicir que a atención cun só profesional está cuberta é insultar a intelixencia dos mariñás e das mariñás” cando, recalcou, a atención xa non estaba garantida cando a comarca dispoñía de tres profesionais. “Salvo que se considere garantido o servizo con listas de agarda de ata dous anos”, reprobou, logo de subliñar que “isto non é unha atención sanitaria de calidade, a que o Goberno galego ten a obriga de dar”.
Neste sentido, tamén emprazou ao Executivo de Feixóo a recuperen a área sanitaria da Mariña, o que permitiría reforzar a atención sanitaria na comarca e no seu hospital de cabeceira, en vez de converter este complexo sanitario “nunha sorte de filial do hospital de Lugo ou nunha especie de centro de saúde grande”. “Gustaríanos animalos a que destinen maiormente os seus esforzos en garantir servizos de calidade no hospital da Mariña e non soamente a inaugurar metros e metros cadrados esquecéndose das eivas nos servizos, que son moitas e que seguen sen se solucionar”, recalcou.
O deputado nacionalista rematou a súa intervención reclamando, primeiro, a cobertura urxente das prazas vacantes en cardioloxía e, segundo, o reforzo deste servizo e do conxunto de servizos sanitarios da comarca cos recursos humanos, materiais e tecnolóxicos que garantan a atención dos pacientes tanto en calidade como en proximidade.
“Repoñan estas prazas e auménteas, pero ademais de prazas, poñan os seus esforzos en achegar a sanidade pública á xente porque a sanidade pública, ou é próxima, ou non é da calidade”, concluíu.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
