Lugo, 10 de marzo de 2021. A subdelegada do Goberno, Isabel Rodríguez, anima a empresas, emprendedores e organismos lucenses a sumarse á nova liña de axudas do Ministerio para a Transición Ecolóxica e o Reto Demográfico destinada a fomentar a contratación de desempregados no ámbito da “economía verde”.
Isabel Rodríguez explicou que esta nova liña de axudas, dotada con 5 millóns de euros, “responde á aposta do Goberno pola economía verde, que non é unha utopía senón unha opción real para unha sociedade que precisa un novo modelo económico máis respectuoso coa natureza se queremos garantir o desenvolvemento sen sacrificar o futuro das novas xeracións”
A subdelegada destacou que esta convocatoria, cofinanciada polo Fondo Social Europeo, supón tamén unha oportunidade para contribuir a superar os retos da crise provocada pola pandemia da COVID-19.
A “Convocatoria Emplea” enmárcase dentro do Programa Empleaverde da Fundación Biodiversidade e nace coa finalidade de apoiar directamente a contratación de persoas desempregadas no ámbito da economía verde e/ou azul.
Estas axudas destínanse á xeración directa de emprego verde ao subvencionar a contratación de persoas desempregadas a tempo completo, durante un período mínimo de 6 meses. As destinatarias son entidades que estean vinculadas directa ou indirectamente coa economía verde e/ou azul ou entidades que, non estando vinculadas, xeren emprego que contribúa a unha liña de negocio sostible ou a unha mellora ambiental na entidade. Os solicitantes poderán ser persoas xurídicas privadas con e sen ánimo de lucro e tamén persoas físicas que actúen como empregadoras.
A repartición de fondos para as Comunidades Autónomas aplícase segundo o obxectivo de desenvolvemento. En Galicia, as axudas á contratación en oscilan entre 3.040 euros e 3.440 euros por contrato. A cifra máis elevada é no caso de que a persoa contratada pertenza a un grupo social prioritario (mulleres, mozas de ata 35 anos ou maiores de 45, persoas inmigrantes, persoas con discapacidade ou residentes en áreas protexidas e/ou zonas rurais).
O prazo de presentación de propostas estará aberto ata o 15 de marzo (para recibir a axuda antes de outono de 2021) ou ata o 30 de setembro de 2021.
As persoas interesadas poden ampliar información na web https://contratacion.empleaverde.es/
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
