Mondoñedo, a 10 de marzo de 2021. A Xunta de Galicia, a través da consellería de Medio Ambiente, Territorio e Vivenda, investirá 37.289 euros nas obras de conservación da cuberta do edificio da Fragua e a edificación anexa no barrio dos Muíños. Deste xeito, a colaboración da administración autonómica permite dar continuidade ao compromiso do goberno local de impulsar esta emblemática zona de Mondoñedo.
Na actualidade os inmobles presentan a cubrición en mal estado de conservación, con lousas que se atopan desprazadas e cunha manta de mofo en toda a superficie da cuberta.
Trátase de dúas edificacións tradicionais de pedra con parede medianeira entre elas e con outro inmoble, e que figuran recollidas no catálogo de bens culturais, naturais e paisaxísticos do Plan Xeral de Ordenación Municipal aprobado definitivamente en xuño de 2016. Malia que se atopan fóra do contorno do conxunto histórico, os edificios están situados dentro da delimitación do Camiño de Santiago declarado BIC.
As actuacións ao detalle
As dúas edificacións son propiedade do Instituto Galego de Vivenda e Solo e ocupan unha superficie de 265 metros cadrados. As actuacións que se planean respectan tanto os materiais coma a configuración e sistema construtivos existentes. Son as seguintes: a demolición e levantado da cubrición de lousa existente, a reposición da lousa irregular de dimensións similares á que hai e a reposición da ripia por unha de castiñeiro.
Os traballos teñen un prazo de execución dun mes e permitirán por en valor un dos barrios con maior potencial cultural da localidade, debido a que nel se atopan distintos obradoiros artesanais de recoñecido prestixio no sector.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
