Viveiro, 15 de marzo de 2021. O Concello de Viveiro informa aos veciños e veciñas que, no día de hoxe, deron comenzo as obras de reparación de parte do muro do Cemiterio Municipal de Altamira, en concreto a esquina situada contra o apeadoiro de tren na Ponte Labrada.
Con esta intervención preténdese solventar os problemas de asentamento que apareceron nesa parte do cemiterio municipal, que se incrementaron a raíz da riada acontecida en Viveiro en novembro de 2018, que causaron graves destrozos materiais en diferentes lugares do concello, moi especialmente no barrio de Xunqueira e que tamén afectaron ao Cemiterio Municipal de Altamira.
Para a execución desta obra, de gran complexidade, debido ao mal acceso a esa zona en concreto, o Concello de Viveiro solicitou a colaboración tanto técnica como económica da Deputación de Lugo.
Foi a propia Deputación a encargada de licitar e encargar a redacción do proxecto, que actualmente se está executando, asumindo, así mesmo, todos os gastos da obra.
Dende o primeiro momento, o Concello de Viveiro solicitou a colaboración da Deputación de Lugo tendo en conta que se trataba dunha obra dificultosa na súa execución, adoptando como medida previa á execución dos novos muros o apuntalamento das zonas en mal estado. A necesidade de actuar nesta zona obrigou ao concello de Viveiro a adquirir as parcelas que limitan con este muro, co fin de non perxudicar a ningún particular con estes apuntalamentos.
Co fin de aclarar posibles dúbidas ao respecto desta actuación, quérese poñer de manifesto que o oco existente na fachada lateral esquerda do cemiterio, tapada cunha rede metálica, se realizou hai máis de 20 anos, con motivo das obras de ampliación do cemiterio municipal. Esta apertura, aínda que non resulta moi estética, fai un gran servizo para o acceso con maquinaría debido a que as súas entradas principais todas teñen escaleiras ou as portas son moi estreitas.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
