Santiago de Compostela, 17 de marzo de 2021. O Plan de actividades do Instituto de Seguridade e Saúde Laboral de Galicia (Issga) inclúe para 2021 un total de sete eixos e 60 actuacións. A xerente do Issga, Adela Quinzá-Torroja, detallou hoxe as actividades desta planificación a través da que se dará prioridade á Unidade de referencia covid-19 e ás campañas de prevención de riscos laborais en eidos como a pesca, a agricultura e o sector forestal. O obxectivo principal do Plan do Issga, que depende da Consellería de Emprego e Igualdade, é promover a prevención de riscos laborais nos centros de traballo e seguir loitando contra a sinistralidade laboral, como aconteceu en 2020, que pechou cun 24,45% menos de accidentes no traballo.
Quinzá-Torroja destacou que o Plan de actividades conta co consenso das organizacións sindicais e empresarial e se enmarca na Estratexia galega de seguridade e saúde no traballo que foi aprobada no seno do Diálogo Social.
Con respecto á unidade de referencia covid-19, a xerente do Instituto explicou que se puxo en marcha para afrontar a emerxencia sanitaria na contorna laboral con dúas finalidades principais: apoiar ao tecido empresarial galego na implantación das medidas necesarias para loitar contra a covid-19 e dar resposta especializada aos diferentes sectores económicos para garantir a saúde laboral nos centros de traballo. En palabras de Quinzá-Torroja, esta unidade será “unha actuación preferente e prioritaria” no traballo do Issga, sobre todo, na disciplina de hixiene industrial e medicina no traballo. Por mor da pandemia, ademais, estanse a levar a cabo este ano campañas para previr os riscos laborais derivados do teletraballo e os riscos psicosociais, que está xerando a pandemia entre os traballadores e traballadoras. Así mesmo, reforzaranse as campañas dirixidas á pesca e aos sectores agrícola e forestal, con actuacións referentes á corta de árbores, e no sector da industria porase o foco na prevención de riscos no uso de amoladoras e de maquinaria en carpinterías. Na construción desenvolveranse actuacións sobre prevención na caídas de altura, e no sector servizos farase fincapé nos riscos que poidan padecer condutores e repartidores.
O Issga, así mesmo, realizará actuacións para a mellora da saúde laboral nos centros de atención a chamadas para dar a coñecer os riscos característicos desta actividade, xunto con propostas preventivas para evitar ou minimizar os danos para a saúde. Tamén levará a cabo unha campaña para a prevención dos riscos químicos nos salóns de peiteado e tratamentos de beleza e, ademais, está prevista unha campaña de seguridade no manexo de drons e a divulgación das posibilidades da súa utlización con fins preventivos. Outra das actuacións prioritarias será a elaboración dun manual para a aplicación da perspectiva de xénero na prevención de riscos laborais.
Estudos e investigación
Emprego e Igualdade tamén desenvolverá estudos de saúde laboral, así como unha guía técnica de boas prácticas en prevención de riscos laborais de danos por exposición ao ruído no traballo e un estudo de danos por exposición a sílice. Sobre o labor de investigación do Issga, Adela Quinzá-Torroja sinalou que en 2020 declaráronse 1.323 enfermidades profesionais, un 20,92% menos que en 2019. Máis do 80% pertenceron ao grupo causadas por axentes físicos como o ruído ou os trastornos musculoesqueléticos.
A xerente do Issga, así mesmo, fixo fincapé no traballo que realiza o Instituto en materia de inspección destacando, ao respecto, que este ano está previsto a realización de 600 actuacións para a comprobación das condicións técnicas e o uso correcto de materiais nos centros de traballo. Referiuse, para rematar, ao Plan de formación do Issga co que se prevé este ano chegar a 2.600 persoas. Ofertaranse 1.100 prazas en cursos de prevención de riscos de nivel básico; realizaranse 40 obradoiros para un traballo seguro con 500 prazas; e desenvolveranse 15 webinar para 1.000 persoas.
Con respecto aos datos de sinistralidade de 2020, Galicia rexistrou un total de 22.302 sinistros en xornada laboral, o que supón unha diminución do 24,45%. Houbo un 24,56% menos de accidentes leves, os graves tamén diminuíron, nun 19,62%, e os mortais descenderon nun 3,70%. Por sectores, os accidentes laborais caeron na pesca (-12,07%), na agricultura (-16,05%), na industria (-23,50%), na construción (-24,22%) e nos servizos (-26,77%). Por provincias, baixaron na Coruña nun -23,13%; en Lugo, nun -24,46%; en Ourense, nun -23,30%; e en Pontevedra, nun -26,67%. Respecto ao índice de incidencia, que pon en relación o número de accidentes coa poboación afiliada por 100.000 traballadores, amósase tamén unha baixada, neste caso do 22,91%.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
