CERVO .- O alcalde de Cervo, Alfonso Villares, agradeceu a visita feita hoxe ao concello polo conselleiro de Educación e “destaca a boa sintonía entre o concello e a consellería”.
Nota de Prensa
VILLARES DESTACA A BOA SINTONÍA ENTRE O CONCELLO E A CONSELLERÍA DE EDUCACIÓN
* O rexedor valorou positivamente o anuncio do conselleiro, Jesús Vázquez Abad, de rematar a obra inacabada do pavillón do CEIP nº1 de Cervo
Cervo, 4 xuño de 2010.- O alcalde de Cervo, Alfonso Villares, agradeceu a visita feita hoxe ao concello polo conselleiro de Educación, Jesús Vázquez, para anunciar a decisión da súa consellería de levar adiante a ampliación e remate do pavillón polideportivo do CEIP nº1 de Cervo.
Villares lembrou que esta actuación fora moi demandado polo Goberno local e tamén pola comunidade escolar do centro dende hai case cinco anos, cando se produciu a paralización dos traballos por parte dos anteriores responsables de Educación na Xunta de Galicia e deixando inacabada dita obra. “Con este anuncio e con este compromiso do conselleiro se arranxa un problema xurdido no seu momento de xeito innecesario” sinalou. O rexedor dixo tamén que non era tempo de lembrar o acontecido no pasado “se non que temos que mirar cara ó futuro e o principal é que que agora, os alumnos e alumnas deste colexio, van ter por fin unha infraestrutura deportiva acorde co resto de instalacións e como eles se merecen.”
Para Villares esta ampliación do pavillón escolar pon de manifesto a sensibilidade “e o profundo compromiso dos responsables da consellería de Educación” coa educación pública no concello de Cervo “sen escatimar en medios económicos, tecnolóxicos e humanos para ofrecer un ensino de calidade” aos nenos e nenas matriculados nos centros educativos do concello. “Por iso, estou seguro que isto vai redundar aínda máis na calidade do ensino e no bo funcionamento que está a ter este colexio, ao igual que o resto de centros do noso municipio” recalcou.
Por último, Villares desexou que esta liña de colaboración e de diálogo entre o Concello e Educación “continúe sendo igual de fluída e cordial como ven sendo ata o de agora, porque en definitiva, iso redundará no futuro dos nosos nenos e nenas” e emprazou ao conselleiro para que se desprazarse unha vez máis ata este centro unha vez estean rematadas as obras de ampliación do pavillón.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
