Lugo, 13 de abril de 2021. Na mañá de hoxe firmouse a escritura de extinción da sociedade provincial Suplusa e de subrogación na Deputación das funcións que tiña asignadas. Termina así a fase administrativa da disolución, pero, como lembra o viceportavoz popular José Antonio García, quedan por cumprir todos os compromisos que xustificaron o voto en contra do PP á extinción desta sociedade.
Por un lado, a desaparición da sociedade leva aparellada, porque así o quere o goberno provincial, a paralización dos proxectos de creación de solo industrial na provincia, incumprindo así os compromisos establecidos, vía convenio, cos concellos; solo industrial reclamado en reiteradas ocasións polo grupo provincial do PP e polos alcaldes da provincia. “É necesario atender eses compromisos, porque Lugo precisa solo industrial”, din os populares.
O deputado José Antonio García pon tamén de manifesto o incumprimento dos compromisos adquiridos cos ex traballadores de Suplusa. “Hai que lembrar que este asunto está pendente de resolver en vía xudicial, dado que os traballadores, que se sentiron traizoados polo presidente da Deputación, o ex sindicalista José Tomé, tiveron que acudir a esta vía en defensa dos seus dereitos. Non é menos grave a discriminación e agravio comparativo aos que o goberno provincial someteu aos traballadores, xa que algúns forman parte do cadro de persoal da Deputación e outros non, como é o caso dos de mantemento das zonas verdes, que están agora en Tragsa.
O mesmo deputado popular sinalou que a extinción de Suplusa supuxo máis contratos para Tragsa, de forma abusiva, de modo que se incrementan os custos para os lucenses. García sinalou: “Contrariamente ao que aseguraba o goberno provincial, a disolución de Suplusa non adelgazou á administración, senón que a engordou, e como exemplo está a facturación de Tragsa nos dous últimos anos. Está aínda sen xustificar o uso, presuntamente irregular, que fixo esta empresa pública dos bens de Suplusa, sen autorización da sociedade”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
