A MARIÑA .- A Plataforma na Defensa da Sanidade Pública na Mariña, reuniuse cos representantes dos partidos políticos con representación na comarca da Mariña para trasladarlles a preocupación pola creación dunha Área Sanitaria única para a provincia de Lugo, centralizando a xestión tanto hospitalaria como dos centros de saúde en Lugo o que significaría que as 72.000 persoas dos 14 concellos que teñen como hospital de referencia o Hospital da Costa pasarían a ter coo hospital de referencia o Hospital de Lugo producíndose un retroceso na calidade asistencial que nos devolvería á situación de fai mais de 25 anos.
BNG e PSOE comprometéronse á celebración de plenos extraordinarios para tratar nos concellos da comarca a iniciativa promovida pola Plataforma.
Os partidos políticos con capacidade para convocar plenos extraordinarios nos concellos da comarca enmarcados dentro da Area Sanitaria da Costa, comprometéronse á súa celebración inmediata a fin de que o conxunto do territorio afectado pola perda de servizos sanitarios públicos, deixe clara a súa intención de manter unha sanidade de calidade na Mariña que custou moitos anos lograr. Neste sentido, tanto PSOE como BNG asumiron as demandas da Plataforma de trasladar tanto a aqueles concellos onde gobernan como a aqueles outros onde non o fan, a moción da entidade social mediante a convocatoria de plenos extraordinarios.
As demandas da Plataforma tamén serán debatidas no Parlamento Galego
Coa mesma intención de trasladar ao campo institucional as súas preocupacións, a Plataforma na Defensa da Sanidade Publica da Mariña, adquiriu o compromiso dos representantes políticos de levar ao Parlamento Galego o debate sobre a rebaixa da calidade asistencial en materia sanitaria na comarca da Mariña. Para os colectivos integrantes da Plataforma, a pesar dos esforzos de diferentes colectivos para que a Consellaría de Sanidade aclarase as súas intencións, tras distintas declaracións contraditorias de membros do seu departamento, pola vía dos feitos a Consellaría vai dando pasos moi preocupantes para o servizo sanitario público na comarca e no conxunto do país.
O Borrador do Decreto de Estrutura Organizativa de Xestión Integrada non albisca nada positivo para a Area Sanitaria da Mariña
A Plataforma na Defensa da Sanidade Pública na Mariña argumenta que tras discursos contraditorios ou dilatorios, agóchanse feitos como a publicación do Borrador do Decreto de Estrutura Organizativa de Xestión Integrada onde se recolle entre outros asuntos, a adscrición dos hospitais de Cee e de Ribeira ao CHUAC (A Coruña) e ao CHUS (Santiago), perdendo a súa condición de xerencia independente, que se farían no presente exercizo, pospoñendo as provincias de Ourense e Lugo para ser ordenadas no vindeiro ano, pasando de largo do actual mapa sanitario, é dicir, nin se fai referencia as áreas sanitarias en todo o documento “vulnerando” as competencias en materia de relacións laborais e a propia Lei que fixa a estrutura do Servizo Galego de Saúde. Este decreto non define que unidades directivas e de xestión nin que condicións laborais e económicas se constitúen e o que é máis importante que papel se deixa á participación social como marcan claramente as leis de Saúde de Galicia e a Lei Xeral de Sanidade, aspecto este que sería obrigado se non se tratara de sortear o actual mapa sanitario con a súa estrutura de áreas sanitarias.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
