Sarria, 16 de abril de 2021.- A nova convocatoria das axudas de fomento e rexeneración urbana na Área de Rehabilitación Integral (ARI) dos Camiños de Santiago permitirá a propietarios particulares e comunidades de veciños acceder a subvencións de ata 25.000 euros por vivenda para financiar diferentes tipos de actuacións de rehabilitación de carácter residencial.
O director do Instituto Galego da Vivenda e Solo, Heriberto García, acompañado polo delegado territorial da Xunta en Lugo, Javier Arias, mantivo esta mañá unha reunión de traballo co presidente e outros representantes da Mancomunidade de concellos galegos do Camiño Francés, que aglutina a 11 entidades locais: Pedrafita do Cebreiro, Triacastela, Samos, Paradela, Portomarín, Monterroso, Palas de Rei, Melide, Arzúa, O Pino e Sarria.
O obxecto da xuntanza era dar a coñecer entre os alcaldes e responsables municipais o contido da nova orde de axudas, así como pedir a súa colaboración á hora de difundir os requisitos, prazos e condicións de acceso a estas subvencións, que se convocaron o pasado 22 de marzo cunha dotación orzamentaria de 1,3 millóns de euros.
Con estes fondos, como lles trasladou Heriberto García aos asistentes, poderanse acometer obras ou traballos de mantemento e intervención co fin de adecuar os edificios á normativa vixente, mellorar a eficiencia enerxética (instalacións térmicas, sistemas de captación de enerxía solar, iluminación, etc.) ou intervir sobre as condicións de accesibilidade dos inmobles (eliminación de barreiras arquitectónicas, execución ou adaptación dos baños, aseos, cociñas, etc.).
Os potenciais beneficiarios son tanto persoas físicas propietarias de edificios ou de vivendas unifamiliares, comunidades de propietarios ou agrupacións de comunidades que poderán solicitar as axudas correspondentes á convocatoria de 2021 ata o vindeiro 30 de setembro.
A achega a percibir non poderá exceder nin o 50% do custo subvencionable (aínda que poderá chegar ao 85% en función dos ingresos do solicitante), nin a contía máxima de 25.000 euros por cada vivenda rehabilitada. Ademais, estas axudas son compatibles con outros programas que tamén ofrece a Xunta nestes momentos, como as subvencións para a rehabilitación enerxética ou os préstamos cualificados tamén para a rehabilitación de vivendas, en condicións vantaxosas e sen xuros durante un máximo de catro anos.
Por último, o director do IGVS explicoulles aos asistentes que con estas subvencións búscase un triplo obxectivo: mellorar as condicións de vida dos veciños que residen nos inmobles obxecto de rehabilitación; recuperar e poñer en valor a paisaxe residencial construída nestes ámbito singulares; e fomentar a cultura da rehabilitación no territorio.
Colaboración municipal
Por iso, emprazou aos representantes municipais que asistiron hoxe á reunión en Sarria a colaborar na difusión entre a súa veciñanza desta liña de axudas, que nas súas convocatorias anteriores tivo unha boa acollida entre os propietarios de vivendas e edificios de carácter residencial localizadas na ARI dos Camiños.
Cómpre lembrar que esta Área de rehabilitación integral foi a primeira declarada en Galicia de carácter supramunicipal, o que implica que o IGVS asume directamente a súa xestión. Na actualidade abrangue un total de 126 municipios, é dicir, o 40% dos concellos galegos, un dato significativo da importancia e alcance que ten esta liña de axudas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
