Foz, 20 de abril de 2021. Un dos mellores indicadores da calidade dos gobernos é a súa capacidade para conformar, debater e aprobar en tempo e forma os orzamentos municipais. Seguindo este criterio, o goberno local presidido por Fran Cajoto ten imposible entrar no grupo dos mellores, porque a estas alturas do ano aínda nada se sabe na oposición do proxecto das grandes contas municipais para o actual exercicio, camiño xa do mes de maio. O portavoz popular, Javier Castiñeira, denuncia a “parsimonia” do equipo de goberno Foz e reclama o inicio do debate do orzamento, así como un plan de emprego para o verán e a contratación de socorristas, canto antes.
Castiñeira sinala: “Desgraciadamente dende o grupo municipal do PP temos que denunciar a parsimonia do bipartito focense, do goberno PSOE-BNG, que é o goberno máis amplo que nunca tivo este concello, con dez concelleiros, dúas dedicacións a cargo do propio concello, máis unha que financia a Deputación, e seguimos sen orzamentos municipais”. Engade: “Pasado xa o primeiro trimestre, con orzamentos prorrogados, non son capaces, nun ano tan extraordinario como é o 2021, de aprobar o presuposto, a pesar de que que a actividade produtiva do municipio depende en grande medida da xestión do equipo de goberno; non son boas noticias. Pedimos ao goberno municipal, ao alcalde señor Cajoto, que se espila e leve os orzamentos canto antes ao pleno e, sobre todo, que os consensúe, que faga xuntas de portavoces e escoite as opinións de todos os grupos, de maneira que a oposición poida aportar. O PP está absolutamente disposto a colaborar e aportar ideas”.
O portavoz popular destaca que neste ano, extraordinario pola covid, non houbo axudas municipais para os comerciantes, “non houbo as axudas directas que necesitaban comerciantes e hostaleiros”. Castiñeira aclara que “a actividade se limitou a cousas moi simples; agora debemos preparar canto antes este verán”. E nos meses de verán, o Concello “non debería pasar por non ter un plan de emprego ambicioso, con máis de 200.000 euros, para traballar en adecentar a cidade e dar un servicio mellor en canto a limpeza viaria e de recollida de lixo, así como de limpeza de praias”. Puntualiza que “é necesario un plan de verán como se fixo na última parte do goberno popular”.
Castiñeira deixa claro que no grupo municipal do PP están “a disposición do equipo de goberno para falar dos orzamentos municipais; hai que facelo xa, porque entre aprobalos e publicalos xa chega o verán, especialmente de cara ao plan de emprego, porque aínda haberá que convocar as probas selectivas”. Ademais -di- “é moi importante a disposición de socorristas; non podemos estar esperando a ver que nos dan, temos que anticiparnos e poñer riba da mesa prazas de socorristas, para telas convocadas antes de que empece o verán”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
