Diríxome a vostede para recordarlle o que lle dixen no seu despacho do concello de Barreiros, aló polo mes de xaneiro de 2009 e o que lle manifesto no escrito que lle emito por rexistro de entrada no concello o dia 9 DE MARZO DO 2009…., Señor alcalde Fuente Parga, teño a impresión de que vostede nin escoita nin di a verdade. Pedinlle como veciño pagador dos meus impostos e como emprendedor, a dotación de servizos básicos ao barrio onde resido e onde teño o meu negocio, servizos coma alumeado público, pavimentación das rúas, saneamento e fixación de contedores de lixo. Non fai falla que lle diga que resulta difícil sacar a diante unha industria na que a parte de ter que desprazarse o rural os meus clientes para acceder a ela teñen que sortear as dificultades dun camiño deteriorado e por enriba sen alumeado público, nin fai falla que lle diga que nos sentimos inseguros mais aínda nos tempos que corremos onde os roubos a negocios están a orde do dia, e para colmo de todo isto hai mais de tres anos que as rúas dispoñen duns puntos de luz que non alumean. Creei catro postos de traballo estables que manteño con moitas dificultades, non faga mais dura a subsistencia da miña empresa e mais nos tempos que corren.
Ademais teño que dicir que lle pasa coma o can do hortensia…”nin traballa nin deixa traballar” ou era “nin come nin deixa comer”. Boa falla nos fai que se acolla a dedicación exclusiva porque a ollos vistos está, que hai moito que facer, e o que está feito ten moito que desexar. Póñase mans a obra e deseñe un plan turístico, faga algo mais por este marabilloso concello de Barreiros cheo de recursos desaproveitados. Por que Barreiros é moitísimo mais que un mantel de menú do dia: onde plasman unhas rutas de sendeirismo, catro fotos de praias ou unha guía de teléfonos. Non digo que están mal digo que son insuficientes. Porque Barreiros ten cultura propia, festas, tradicións, artesanía, un envidiable patrimonio paisaxístico e xente con moito que dicir. A hostalería do concello, cada vez mais afogada necesita axuda pero unha axuda dinamizadora do medio e para o medio, dotar de mobilidade os visitantes para romper ese turismo estacionario, que comunique a zona das praias co centro e sur do concello, ¡será por empresas de transporte! Ou é que non sabe que as hai. A aseguranza permanente do subministro de auga, sobre todo na época estival. Da recollida de lixo non hai queixa, pero si do caso omiso que fan das miñas peticións sobre a fixación dos contedores. Estamos cansos a miña muller e eu de recoller a merda estrada polos campos que sae dos contedores cando caen pola forza do vento, e ese traballo é gratuíto señor alcalde é de sentido común. Porque sen estas premisas malamente se poderá dar un servizo de calidade e con garantías, polo menos dar un pouco de boa imaxe.
Atenda a todos os veciños e non veciños por igual porque tanto dereito teño eu a ter servizos públicos, coma os que teñen a súa segunda residencia en Barreirose e disfrutan todo o ano do alumeado público entre outros. Xa que o concello non fai os deberes… que saiba que me parece ben que apoie iniciativas privadas para a obtención por parte dos veciños os servizos públicos. Pero mire ben a quen apoia non o deixen en evidencia…
Faga o que queira e que non lle pareza mal pero pídolle que abandone a demagoxia e ese triunfalismo populista no que vive e dicir “O seu mundo”, preocúpese de verdade polos veciños porque non o está a facer, nin lle importa a situación na que vivimos unha importante cantidade deles, impórtanlle mais polo que se pode ver as grandes promotoras. Deixe de politízalo todo porque si vou o concello reclamar o que teño dereito non quer dicir que sexa eu a oposición, pero tampouco se crea vostede o dono do concello… non esqueza que a soberanía a ten o pobo, e sexa un veciño mais porque o final cando un ten problemas de quen antes bota man e dos veciños.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
