Viveiro, 30 de abril de 2021. O Concello de Viveiro lembra aos seus veciños e veciñas que poden beneficiarse do programa Xantar na Casa, unha iniciativa de vital importancia da que o municipio forma parte dende o ano 2010, segundo precisa Victoria Baamonde, concelleira de Benestar Social.
Este programa consiste nun servizo de comida a domicilio para facilitar e garantir unha alimentación equilibrada e de calidade adaptada ás necesidades das persoas maiores e/ou dependentes, que non poden valerse por si mesmas para cubrir as súas necesidades básicas relacionadas coa compra ou elaboración de menús. Actualmente, 12 familias benefícianse deste servizo en Viveiro.
Entre os seus obxectivos atópanse:
1. Proporcionar aos usuarios/as unha alimentación de calidade e adecuada ás súas necesidades, atendendo os casos de forma individualizada.
2. Evitar a deterioración da calidade de vida das persoas maiores e/ou en situación de dependencia ou exclusión social, debido a unha dieta inadecuada.
3. Posibilitar a permanencia no domicilio e retardar ao máximo a institucionalización, como desexo e preferencia das persoas adscritas ao programa.
4. Previr situacións de risco doméstico que se poden producir no proceso de preparación e elaboración da comida.
5. Facilitar o respiro ás familias e aos/as coidadores/as, como medida de apoio á conciliación da vida familiar e laboral, principalmente das mulleres.
6. Facer un seguimento e acompañamento individualizado de cada usuario/a do servizo por parte dos/as profesionais que acoden a facer a repartición no domicilio.
Este programa está aberto ás persoas empadroadas e residentes no Concello de Viveiro que presenten a solicitude no Departamento de Servizos Sociais e que cumpran algún dos seguintes requisitos:
Persoas maiores de 60 anos, que teñan limitada a súa capacidade de autonomía persoal, e sen rede de apoio que poida suplir tal situación.
Persoas dependentes, que carezan de apoio familiar, e requiren de axuda para a preparación de alimentos.
Persoas menores de 60 anos en situación de exclusión social, tecnicamente avaliada polos Servizos Sociais do Concello.
Os xantares entréganse nun único día á semana aos usuarios/as, que recibirán no seu domicilio sete bandexas diferentes co xantar para cada día da semana. A distribución realízase en recipientes adaptados e o menú incluirá primeiro prato, segundo prato e sobremesa.
Os menús son completos e equilibrados, variados e adaptables ás necesidades das persoas usuarias, así como á gastronomía local e á época do ano. As persoas beneficiarias do programa poderán ter acceso a calquera tipo de dieta, a condición de que esta veña pautada polo seu médico.
As dietas básicas do programa son: saudable ou normal, de réxime (baixa en graxas, hiposódica, diabética de fácil mastigación e de fácil mastigación.
Estas dietas son xenéricas, aínda que nos casos de necesidades alimenticias máis concretas poderán ser dietas personalizadas, sempre segundo pauta médica. Existen ademais dietas especiais como poden ser para persoas usuarias de “sintrom” e celíacos, entre outras.
As persoas interesadas neste servizo deberán presentar a súa solicitude no Departamento de Servizos Sociais, que solicitará a documentación que considere pertinente para a súa correcta valoración: DNI, modelo de informe médico cuberto, domiciliación bancaria cuberta, firmada e selada pola entidade e solicitudes asinadas.
Para máis información, as persoas interesadas poden contactar e pedir cita coa oficina de Servizos Sociais no teléfono de contacto: 982550421.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
