Lugo, 6 de maio de 2021. Este sábado celébrase a cuarta xornada da Copa Deputación de Atletismo, organizada pola Federación Galega co apoio da área de Deportes da Vicepresidencia da Deputación de Lugo. Uns 250 atletas de clubs de toda Galiza participarán nas diferentes probas que se desenvolverán no estadio Gregorio Pérez Rivera de Lugo ao longo da mañá.
Once clubs lucenses – Lucus Caixa Rural, Atlética Lucense, CP Maristas Lugo, Franciscanos, Lugo Running, Verxel Nutrición, Atletismo Friol, CCA Ría de Foz, Atletismo Ribadeo, A Gándara de Monfortee Maderas Barcia Lourenzá – contan con atletas inscritos na competición para esta xornada, na que se celebrarán probas de velocidade, salto e lanzamento de peso e xavelina en diferentes categorías, desde sub -16 a máster. Entre os nomes propios da listaxe de participantes destacan, entre outras, Adiaratou Iglesias, Álex Barreiro ou Santiago Rozas.
O deputado de Deportes, Efrén Castro, sinalou que “se trata dunhas xornadas moi valoradas polos clubs que atopan nelas unha oportunidade para ir consolidando a capacidade competitiva das e dos atletas. O atletismo lucense está nun gran momento, con atletas de distintas modalidades no máis alto dos ránkings a nivel estatal, e pensamos que a continuidade deste tipo de competicións axuda a que a canteira siga medrando, de aí que ano tras ano se manteña esta colaboración coa Federación de Atletismo”, concluiu.
A área de Deportes achega 5.000 euros á organización da Copa Deputación, que, segundo apuntou o delegado en Lugo da Federación, José Manuel Peña, “é unha das competición que máis participantes reúne de toda Galiza. Estimamos que nesta edición serán entre 1.500 e 1.700 participantes no total das cinco xornadas”.
As probas desenvolvénse atendendo ao protocolo anticovid da Federación Galega de Atletismo, que fixa un máximo de participantes en cada proba e require un control específico no acceso ás instalacións.
“A pesar de ser un ano complicado pola situacion sanitaria, tivemos un nivel de inscrición moi alta. Tratamos de organizar as probas para garantir a participación do maior número de atletas”, apuntou o delegado de atlestimo”.
A competición, que este ano cumpre 11 edicións, concluirá coa disputa da quinta xornada, prevista para principios do mes de xuño.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
