Viveiro, 7 de maio, 2021. Míriam Bermúdez defendeu a moción do BNG acordada cunha importante parte das asociacións deportivas de Viveiro, co fin de que as subvencións que ofrece o Concello de Viveiro a entidades, asociacións e clubes teñan un reparto de fondos municipais xustos e equitativos, cunhas bases transparentes, públicas e claras.
Demanda que vimos reclamando dende o BNG en cada orzamento municipal e que segue sen ser atendida co conseguinte perxuízo para as asociacións, xa que as cantidades establecidas na maioría dos casos é insuficiente se se compara co gasto do desenvolvemento da actividade que realizan e non se axeita a ningún criterio que permita o reparto equitativo entre as asociacións.
Sendo unha necesidade, o reparto de fondos públicos en base a criterios de obxectividade, concorrencia e publicidade que garantan a transparencia das actuacións administrativas, como tamén poder participar e ser escoitados por parte do Concello en todo o que ten a ver coas subvencións que lles son outorgadas, xa que o actual sistema, discrecional, está a dificultar e moito o desenvolvemento das súas actividades. Primeiro, porque as cantidades concedidas en base a criterios subxectivos, non son suficientes para desenvolver cun mínimo de decencia a súa actividade; e segundo porque non lles permite deseñar a súa actividade cun mínimo de previsión, polo que reclaman a adxudicación de fondos a dous anos vista.
Confundir e transxiversar
Míriam Bermúdez destacou que no debate o único que tratou o PSOE e os seus homólogos de Por Viveiro, foi tentar confundir e transxiversar a moción por completo.
A concorrencia competitiva é un modelo de subvención que exixe que haxa que formalizar un reparto democrático e xusto para todas as asociacións, tal e como fan todas as administracións públicas, quer Xunta de Galiza quer Deputación por exemplo, sen eximir esta cuestión a que poidan recibir subvencións nominativas puntuais, por obra, evento, ou calquer outro gasto. “Repartir axudas a dedo sin consenso nin explicación algunha, nin é xusto nin é serio, é discrepcional e a dedo”, recalcou Míriam.
“María Loureiro xamáis se reuniu coas asociacións para acordar ningún dos orzamentos municipais do cogoberno (PSOE e Por Viveiro). Tampouco antes de redactar e/ou estudar as cuantías das subvencións a asociacións. Mais cando si se reuniu con elas, chamando unha a unha a pasar polos seus depachos, foi xusto o día despois de que o BNG presentase esta moción”, afirmou a concelleira do BNG, “foron chamando por separado unha a unha e con informacións distintas para cada unha delas, moi diferente a como fixo o BNG, onde reunimos a todos e todas na mesma mesa até chegar a un acordo unánime consensuado, saíndo esta moción dela”.
PSOE sen argumentación sólida
“En Viveiro non é posíbel dar unhas subvencións equitativas” e “as asociacións non queren competir entre elas”, estos foron uns dos poucos argumentos que logrou, a duras penas, defender o Concelleiro de Deportes, César Iglesias Docal, constatando o seu total descoñecemento sobre subvencións públicas e as tarefas que lle son propias do cargo que ostenta.
“Un argumento totalmente falso, e sábeo ben” afirma Míriam Bermúdez. e aclara que “a concorrencia competitiva non é máis que consensuar os criterios que baremarán a cuantía da subvención para un reparto equitativo, saber porqué a unhas asociacións lles dan máis ou menos que outras é un básico da democracia municipal. O realmente anómalo é que o reparto se faga a dedo, sen criterios públicos e que, sen falar con ninguén, o equipo de goberno comunique as subvencións que lles corresponden sen máis e sen responder os porqués das cuantías.”
Submisión absoluta de Por Viveiro ao PSOE
Bernardo Fraga, portavoz de Por Viveiro baixo a influencia de María Loureiro, opúxose en todo momento á moción demostrando que nin sequera a lera, dicindo tales cousas como que “as asociacións non quere un reparto igual para todas senón que queren equidade”, argumento que se desmonta se soubera que é a concorrencia competitiva e lera o punto 2 desta moción, onde di explicitamente:
Levarase a cabo a creación dunha comisión da que formen parte todas as entidades e colectivos cidadáns sen ánimo de lucro do concello de Viveiro así como os grupos políticos presentes na Corporación, para acordar AS BASES REGULADORAS da concesión de ditas subvencións que deberán estar elaboradas para a súa aplicación dende o vindeiro orzamento do ano 2022.
Ocorreu o mesmo cando afirmou que as asociacións o que queren é saber con máis anterioridade os importes a percibir e máis tempo para administrar estas subvencións. E a nosa moción pon, moi explícitamente que:
As cantidades concedidas en base a criterios subxectivos, non son suficientes para desenvolver cun mínimo de decencia a súa actividade; e segundo porque non lles permite deseñar a súa actividade cun mínimo de previsión, polo que reclaman a adxudicación de fondos a dous anos vista.
E así con todas. Os integrantes de Por Viveiro, aínda de teren os seus propios argumentos expostos na nosa moción, votaron dócilmente co PSOE, en contra.
A moción non saiu adiante, sendo 11 votos en contra correspondentes aos concelleirxs dos grupos do PSOE, Por Viveiro e o concelleiro non adscrito, 1 voto a favor correspondente á concelleira do BNG, e 5 abstencións correspondentes dxs concelleirxs do PP.
Dende o BNG de Viveiro aseguran que non desistirán, lamentan que o PSOE ignore aos clubes, entidades e asociacións de Viveiro desta maneira e afirman que seguirán de perto a labor do goberno para tentar que o asociacionismo esteña ben atendido.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
