Lugo, 7 de maio de 2021. O Presidente da Deputación de Lugo, José Tomé Roca, informou de que a Xunta de Goberno aprobou na reunión deste venres licitar o contrato para a prestación dos servizos básicos do Centro de Atención a Maiores de Meira cun orzamento base de preto de 625.000€. Trátase dun contrato que inclúe os servizos de cociña, limpeza e asistencia e que terá vixencia por un ano, prorrogable por outro.
José Tomé asinou hai 15 días co Alcalde de Meira o convenio de colaboración entre a Deputación e o Concello para a posta en marcha do centro de maiores e a Deputación ten en licitación, por un orzamento de 300.000€, o contrato para a dotación de equipamento das instalacións.
O Centro de Maiores de Meira contará con 30 prazas de residencia, ampliables a 38 se fose preciso, e 20 de centro de día. A Deputación ten previsto abrir este centro no verán. Este ano tamén se prevé a posta en marcha da residencia de Pedrafita do Cebreiro, antes do remate da primavera, e a de Navia de Suarna, de cara a final de ano. Deste xeito, a rede provincial pasaría das cinco residencias actuais -Pol, Trabada, Ribadeo, Castroverde e A Fonsagrada- a oito.
O Presidente subliñou que a Deputación está a cumprir “os compromisos que temos cos concellos en canto a residencias, pero creo que é conveniente recordar que, segundo o Estatuto de Galicia, as competencias en materia de asistencia social son da Xunta de Galicia. A pesar diso, o goberno autonómico non está transferindo nin un euro á Deputación de Lugo para o funcionamento deste servizo”.
Mellora viaria en Guitiriz
Por outra banda, a Xunta de Goberno aprobou unha nova actuación na rede viaria provincial, a máis extensa de España, co visto bo do proxecto e a licitación das obras para acometer a mellora da estrada LU-P-2303, que comunica Parga con Santalla, no concello de Guitiriz. A Deputación investirá preto de 64.000€ na rehabilitación mediante rego asfáltico de 3,2 quilómetros desta estrada.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
