Viveiro, 11 de maio, 2021. Á vista da grave situación acontencida no matadoiro comarcal, con moitas deficiencias e pechado dende o pasado 30 de abril coa consecuente perda dun servizo público máis para a veciñanza e o sector gandeiro en especial, dende o BNG solicitamos ao concello a documentación necesaria para levar a cabo un coñecemento e seguimento rigoroso de todos os servizos municipais que se atopan en concesión a empresas privadas, como poden ser a auga, o lixo, o punto limpo, a limpeza de centros escolares, o mantemento de zonas axardiñadas, desbroces, Servizo de Axuda no Fogar, Escola Infantil Municipal, servizo de limpeza da piscina municipal, etc.
A pasividade e desleixo no control do cumprimento das condicións establecidas nas concesións privadas dos servizos municipais, xerou numerosos conflitos do Concello con concesionarias privadas que deixan en evidencia a mala xestión do goberno de Loureiro, que levan causado perxuízos económicos e unha degradación dos servizos para a veciñanza: lembramos a disputa por unha nave de 120.202,42 € para o servizo de recollida de lixo e que debería terse executada, problemas na xestión da piscina de Celeiro ou contratos que caducan sen novas licitacións e que se suman ao peche do matadeiro municipal. A alcaldesa ou o órgano no que delegue ten, ex lege, todas as competencias executivas e a obriga de velar polo cumprimento das cláusulas das concesións e ante un novo fiasco do goberno do PSOE, o BNG esixe maior control e transparencia que permita coñecer e esixir a execución completa dos contratos, das melloras establecidas e en defintiva mellorar o servizos prestados para a veciñanza.
Impedimentos para o acceso á información por parte do Equipo de Goberno
A día de hoxe segue sen resposta a información solicitada, vía rexistro, hai tres meses dende o BNG en relación aos gastos en publicidade e propaganda acometidos no exercicio 2020 polo concello así como, a solicitude de información relacionada coa Relación dos Postos de Traballo do Concello, nunha mostra continua por parte do equipo de goberno de ocultar e impedir o acceso á información intencionadamente como se exemplificou cando o BNG solicitou o acceso ao expediente relacionado coa EOI e ASPANANE e por parte do Concello se limitou o acceso a tal información por tan só cinco días, impedindo consultar nova documentación que se puidera xerar na xestión da cesión do edificio do antigo colexio vello de Celeiro.
Tendo en conta tales antecedentes, dende o BNG agardamos que esta actitude de opacidade no goberno do PSOE mude, e faciliten na maior brevidade toda a información que se ten solicitado.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
