Ribadeo, 13 de maio de 2021. A Asociación de Profesores de Automoción de Galicia (APAGA) continúa cos preparativos do X Fórum de Innovación e Formación sobre Vehículos, que se celebrará en Ribadeo do 24 ao 27 de agosto con importantes novidades. Acollerá unha exposición en homenaxe a José Barro, o creador das fábricas de Chavín. O obxectivo é que esa mostra sexa itinerante por toda A Mariña. Durante o Fórum, ademais de charlas e obradoiros, tamén haberá unha exposición de vehículos novos con distintas marcas do sector.
Formación
O presidente de Apaga, Álvaro Doural, declarou que “neste momento estamos dando formación a profesores que se van presentar a oposicións da nosa especialidade. Son catro cursos online. Tamén está programado un curso de bancada, que se vai facer no IES As Mariñas, de Betanzos. Ademais hai previstos tres cursos, para finais de xuño, de soldadura, que aínda non está presentada a proposta, pero están aí xa”.
Novidades
Doural explicou que “estamos organizando o décimo Fórum de Innovación e Formación sobre Vehículos con importantes novidades este ano, que vai contar cunha ampliación da parte cultural, non só da tecnolóxica. Vai haber dúas exposicións, unha delas que intentaremos que sexa itinerante por toda A Mariña, que vai ser unha homenaxe a José Barro González, que foi o creador das fábricas de Chavín. Despois vai haber unha exposición, case con toda a seguridade, dunha pintora de Murcia que ven colaborando con nosoutros noutras iniciativas. Tamén vai haber unha exposición de vehículo novo con distintas marcas do sector. O Fórum irá tendo o mesmo esquema de traballo que outros anos con ponencias, talleres e algunha viaxe de tipo lúdico e cultural”.
Proxectos europeos
O presidente de Apaga sinalou que “estamos iniciando, outra vez, todas as accións europeas, con bastante lentitude polo tema do covid, pero xa están en marcha. Cremos que quizais no mes de setembro, máis que xuño, poderemos estar a pleno rendemento neste tema. Tamén está previsto, no mes de xuño, facer varios cursos de vehículos eléctricos. É un tema que imos potenciar bastante pola chegada, cada vez máis, de vehículos eléctricos, híbridos e enchufables. Especialmente tendo en conta os riscos, a nivel laboral, que supoñen todo este tipo de vehículos posto que manexan unhas tensións de 380 ou 400 voltios que poden matar a unha persoa perfectamente”.
Álvaro Doural dixo que “imos aproveitar un recurso que estamos terminando de elaborar, a través do proxecto europeo de vehículos eléctricos que levamos case dous anos traballando nel, entón todas esas unidades, que están en español e inglés, imos aproveitalas. Posiblemente imos empezar polo módulo de seguridade”.
Remates
O presidente de Apaga engadiu que “este venres remataremos o curso de interpretación de planos que se estivo impartindo en colaboración coa empresa Astilleros Gondán. A verdade é que foi un éxito de participación. Algunha xente dese curso xa está traballando nesta empresa e outros están facendo o período de formación de soldadura. Creo que cumprimos co obxectivo que se pretendía, que é que houbera empregabilidade e iso nos satisfai bastante porque a nosa formación ten un obxectivo moi claro que é que xere formación nas capacidades necesarias e unha empregabilidade. Tamén rematou xa o curso de redes sociais e de posicionamento online no que participaron dez empresarios da zona. Creo que na situación que se deu hai algunhas cousas que aínda quedan pendentes, que se van facer a través da plataforma de formación de Apaga, pero foi unha experiencia moi interesante. Aínda que non é o noso campo de acción, consideramos que cada vez máis deberemos abrirnos a outras temáticas”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
