Lugo, 20 de maio de 2021. A Consellería de Política Social abriu o prazo de inscrición nos campamentos e campos de voluntariado programados para este verán, que en Lugo contan con 1.479 prazas en 15 instalacións repartidas por distintas zonas da provincia.
O delegado territorial da Administración galega, Javier Arias, explicou que esta campaña desenvolverase entre os meses de xullo e setembro baixo o lema O Verán que mereces. A oferta completa de actividades no conxunto de Galicia -e tamén en intercambio con outras Comunidades- suma 7.820 prazas e pode consultarse na páxina web xuventude.xunta.es, no epígrafe Acción de verán.
No caso dos campamentos, dirixidos a rapaces e rapazas de entre 9 e 17 anos, a solicitude de participación pode facerse desde hoxe ata o vindeiro venres 28 de maio, preferiblemente por vía telemática na sede electrónica da Xunta. Na provincia ofértanse 1.383 prazas en instalacións de sete concellos.
Polo que respecta aos campos de voluntariado, en Lugo desenvolveranse oito que suman 96 prazas. A mocidade de entre 18 e 30 anos que queira participar pode solicitalo ata cinco días antes do comezo de cada campo mediante un formulario en liña dispoñible tamén na web de Xuventude.
Campamentos
Os campamentos de verán da provincia de Lugo poranse en marcha nos concellos de Viveiro, Ribadeo, Portomarín, Palas de Rei, Carballedo, Quiroga e Lugo. En total hai previstas 31 quendas diferentes.
Así, o albergue xuvenil de Area (Viveiro) desenvolverá actividades sobre ambiente mariño e náutica; A Devesa (Ribadeo) contará con varias opcións de multiaventura e acampada a carón do mar; as instalacións de Benigno Quiroga (Portomarín), Os Chacotes (Palas de Rei) e Carballedo acollerán distintas propostas de aventura; o albergue de Quiroga convidará a Explorar O Courel e o Lug 2 (Lugo) oferta dous programas: O Musical e AYCH Tecnolóxico.
Campos de voluntariado
Polo que respecta aos campos de voluntariado da provincia, están previstos tres na modalidade medioambiental e cultural: Da auga e da pedra (Guitiriz), Castro de San Lourenzo (A Pobra do Brollón) e Xuventude é Camiño (Triacastela); tres sobre patrimonio: Xuventude é Camiño (Palas de Rei), Abadía de San Clodio (Ribas de Sil) e Castro de Vilar (Folgos do Courel) e dous campos de arqueoloxía: Castro de Penadominga (Quiroga) e Castro de Viladonga (Castro de Rei).
O Goberno galego manterá o protocolo específico fixado ano pasado para garantir a seguridade nas actividades de verán, que en 2020 non rexistraron ningún contaxio por coronavirus. Así, continuarase a implantar medidas a redución do aforo, a incorporación escalonada das rapazas e rapaces, o reforzo do persoal monitor ou o incremento das medidas hixiénico-sanitarias.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
