Lugo, 23 de maio de 2021. O Goberno da Deputación de Lugo levará ao Pleno ordinario convocado para o vindeiro martes unha proposta “para reclamarlle á Xunta que asuma a financiación dos centros de atención a maiores da institución provincial e que os inclúa na súa rede pública de residencias”.
En concreto, propoñen “abrir un proceso de negociación coa Xunta de Galicia, para que asuma, tanto a financiación dos Centros de Atención de Maiores da Deputación de Lugo, como a súa inclusión na Rede Pública de Residencias Autonómica, así como modificar o actual modelo macroresidencial para fortalecer e consolidar unha rede galega de residencias públicas, de pequeno tamaño, que garanta a permanencia dos maiores no seu entorno, mellore a súa atención sociosanitaria, xere emprego de calidade e contribúa a fixar poboación no rural”.
Hai que lembrar que a Deputación de Lugo “leva anos suplindo a inacción da Xunta e facendo un esforzo para achegar servizos sociais públicos, universais e de calidade ós veciños e veciñas da provincia, sobre todo no rural. A institución dedica a políticas sociais que debería atender o goberno autonómico aproximadamente un terzo do seu orzamento, máis de 30 millóns de euros. No que respecta á atención a maiores, ás residencias de Trabada, Ribadeo e Pol, sumáronse ó longo do ano 2020 as de Castroverde e A Fonsagrada. E neste 2021 entrarán en funcionamento as de Pedrafita, Meira e Navia de Suarna”.
Así as cousas, “a pegada da pandemia do covid nas residencias galegas amosou o fracaso do modelo de xestión privada impulsado pola Xunta. Un modelo baseado na rendibilidade económica e non na calidade da atención, e no que non se contemplaba dun xeito integral a xestión sociosanitaria dos maiores”. A aposta pola xestión privada da dependencia “impulsada polos sucesivos gobernos do PP ten convertido a Galicia na Comunidade con menor porcentaxe de prazas públicas en residencias de maiores, tan só o 41%, cando a media española é do 62% segundo as cifras oficiais do IMSERSO”.
Ademais, segundo a “Asociación Estatal de Directivos y Gerentes de Servicios Sociales”, Galicia conta cun déficit de 14.902 prazas residenciais. A pesares diso, na presentación dos orzamentos para o ano 2021 a Conselleira de Política Social non anunciou a creación de novas prazas de residencias”, advirten.
300 empregos no entorno
Os centros da Deputación son de pequeno tamaño, entre 25/40 prazas de media, cunha ratio de case un coidador por persoa. Centros que teñen xerado máis de 300 empregos directos e indirectos no entorno, e que converten o coidado ós maiores nun factor de fixación de poboación e de desenvolvemento para o rural.
Pero, como ben ten sinalado a FEGAMP, “a administración local non pode asumir eternamente, sen financiamento adicional, as competencias que o noso Estatuto de Autonomía atribúe ó goberno autonómico. A Deputación de Lugo ten amosado que outro modelo é posible, viable e dá resultados, pero compételle á Xunta facerse cargo do seu desenvolvemento”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
