Madrid, 4 de xuño de 2021. O deputado do BNG no Congreso, Néstor Rego, e o deputado no Parlamento de Galiza, Daniel Castro, mantén a primeira reunión co tecido socioeconómico da comarca para impulsar a Mesa de Infraestruturas para A Mariña. A formación nacionalista destaca a necesidade de executar e rematar todas as obras pendentes comprometidas co norte de Lugo para o desenvolvemento socioeconómico da comarca e salvar o futuro da Mariña.
Os deputados, acompañados pola alcaldesa de Barreiros e responsábel comarcal do BNG, Ana Ermida, constitúen a mesa de traballo polas infraestruturas da Mariña en que participa o tecido socioeconómico da comarca. CEL, TRADIME, PRADITRANS, asociación de maderistas, asociación de transportistas, ADEXMAR, APEHL, representantes das principais empresas de autocares da comarca, CCOO, CIG e UXT participan desta xornada de traballo en que trasladan tamén as necesidades do territorio.
“As infraestruturas son un elemento fundamental para o desenvolvemento socioeconómico de calquera territorio. Neste caso, para A Mariña, que ten enormes potencialidades, arrastra unha discriminación histórica en materia de infraestruturas con obras pendentes” enfatiza o deputado no Congreso. Exemplifica este agravio coa A-74 que carece de partidas específicas nos Orzamentos Xerais do Estado e mesmo o goberno PSOE-UP rexeitou as emendas presentadas polo BNG. “Tiveron a actitude de rexeitar todas as emendas que presentamos nos OXE, mesmo as presentadas para o primmeiro tramo San Cibrao-Burela ou emendas menores para o tramo Foz-Burela, Foz-O Carme e O Carme-Barreiros” subliña Rego.
Así mesmo, o deputado nacionalista destaca o compromiso da formación nacionalista coa modernización da vía ferroviaria e a mellora da liña de ancho métrico entre Ferrol e Ribadeo. “Esta liña artella o norte do país e ten enormes potencialidades tanto para o transportes de mercadorías como para os usuarios e usuarias” afirma Néstor durante a súa intervención na mesa de traballo.
“O BNG comparte as reivindicacións da sociedade mariñá sobre todo nuns momentos tan difíciles coma este para a comarca” reivindica o deputado nacionalista. Lembra que a formación nacionalista xa ten presentadas iniciativas no Congreso para a liberación do dique norte de Morás e a creación dunha Autoridade Portuaria en San Cibrao que xeraría “maior dinamismo económico para a comarca sen que a súa creación provocase un gasto económico para a Administración”.
O futuro da Mariña non pasa por os macroproxectos eólicos
Por outra banda, o deputado nacionalista alerta dos megaparques eólicos proxectados xa que “non deixarían beneficios no país e suporían un impacto medio ambiental e económico enorme”. Estes proxectos, na súa maioría, son explotados por grandes empresas que pagarían os seus impostos en Madrid, e cunha afectación ao sector turístico e mesmo ao sector pesqueiro, fundamental en comarcas como A Mariña, no caso da eólica mariña que se instalarían a menos de 15 quilómetros da costa.
BNG en contra das portaxes nas autovías
“A construción dunha autovía que non acaba de arrancar sumado ao proxecto presentado na Unión Europea polo Goberno do Estado para cobrar portaxes nas autovías, aumenta o agravio ao noso país que aínda non viu como o Estado cumprise o seu compromiso de baixar as portaxes na AP-9” recrimina Rego. Estas actuarían como sobrecusto que “moitas empresas non poderían soportar” e aumentarían a contaminación ambiental, así como o gasto social e sanitario polo risco de accidentes “ao optar por vías convencionais”.
Néstor Rego enfatiza nas graves consecuencias que suporía aplicar este pago nas autovías “lastrando a actividade económica do país. Non temos infraestruturas propias do século XXI”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
