PARLAMENTO
13,00 h (aprox).- A conselleira do Mar, Rosa Quintana, comparecerá no Pleno para analizar o impacto do acordo sobre o brexit no sector pesqueiro galego. No Pazo do Hórreo.
foto xoán crespo
09/03/2021
Santiago de Compostela, 8 de xuño de 2021. A conselleira do Mar, Rosa Quintana, censurou hoxe no Parlamento a presentación do recurso contra o Plan Xeral de Explotación Marisqueira 2021-2023 por parte do Ministerio de Transición Ecolóxica e Reto Demográfico por invadir as competencias exclusivas de Galicia nesta materia. A titular de Mar lamentou que se trata dun novo ataque de moita gravidade contra o sector do mar da comunidade pois atenta contra o labor de preto de 9.000 profesionais do marisqueo.
A representante do Goberno galego salientou que ese recurso está inxustificado e carece de toda lóxica pois o Estatuto de Autonomía de Galicia outorga á comunidade as competencias en materia de “pesca nas rías e demais augas interiores, o marisqueo e a acuicultura”. Del, engadiu, parten o resto de normas -entre os que se inclúe o Plan Xeral de Explotación Marisqueira- que regulan o marisqueo desde hai décadas e que en ningún caso foron recorridas polo Executivo do Estado.
“O Goberno galego leva 29 anos -desde 1992- tramitando e aprobando os plans de explotación marisqueira sen que houbese problema algún ou solicitude por parte de ningún dos gobernos de informes preceptivos ao respecto. Tampouco se fixo referencia nin se adoptaron medidas por parte do Goberno central contra as diferentes normas que dispoñen a formulación destes plans”, aclarou Rosa Quintana.
A titular de Mar incidiu na incongruencia do recurso presentado polo Ministerio de Transición Ecolóxica e Reto Demográfico pois nada cambiou na normativa que regula esta materia e subliñou que o informe ao que fai referencia o recurso non é preciso neste caso ao igual que non o foi nos 29 plans xerais de explotación marisqueira aprobados nas últimas décadas.
A conselleira do Mar defendeu que esta é unha mostra máis da guerra aberta polo Goberno central contra o sector do mar de Galicia, algo que queda patente tamén na actitude do Ministerio de Transición Ecolóxica durante a tramitación do recurso. Antes da súa presentación o Goberno central fixo un requirimento previo no que pediu directamente a derrogación do plan xeral en vez de solicitar aclaracións ou a presentación de alegacións.
Galicia explicou a improcedencia da petición do Goberno central e aclarou que a orde pola que se aproba o plan non outorga zonas de explotación marisqueira, nin en réxime de autorización nin de concesión, polo que non é necesario o informe sobre a ocupación de dominio público marítimo-terrestre que demanda o Estado.
“O plan para os anos 2021-2023 segue a liña dos plans anuais anteriores, para os que non se requiría ese informe, e que en ningún caso foron recorridos polo Executivo central. A única novidade é que pasan a establecer obxectivos (biolóxicos, ecolóxicos e socioeconómicos) a tres anos”, remarcou Rosa Quintana.
Impacto no sector
As explicacións da Xunta, non obstante, non foron atendidas polo Goberno estatal, que presentou un recurso que mostra a falta de sensibilidade co sector obviando a súa realidade e poñendo en risco o desenvolvemento normal da súa actividade. “O importante neste proceso non somos os Gobernos senón o marisqueo galego. A posibilidade de que se suspenda preventivamente (ou se derrogue) o plan xeral xeraría un baleiro legal na xestión e explotación dos recursos marisqueiros pois eliminaría as regras que garanten unha actividade ordenada, sustentable e respectuosa co medio ambiente”, subliñou a titular de Mar.
A conselleira incidiu no impacto que esa situación tería no sector pois afectaría aos 94 plans de xestión incluídos no Plan Xeral de Explotación Marisqueira, deseñados polo propio sector en colaboración coa Administración, e poría en risco a actividade de 8.700 persoas na comunidade, unhas 3.700 dedicadas ao marisqueo a pé e arredor de 5.000 que traballan no marisqueo desde embarcación.
Por iso, a Xunta vai adoptar as medidas que sexan precisas para defender ata as últimas instancias os intereses do sector e un modelo de xestión con décadas de historia, baseado na coxestión dos recursos e que xa ten demostrado a súa eficiencia e eficacia. Ademais, lembrou que as entidades que se consideren prexudicadas poden persoarse como codemandadas no proceso, como xa están a facer moitas confrarías e federacións de confrarías de pescadores de Galicia.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
