Abadín, 8 de xuño de 2021. O Voceiro Socialista de Abadín, Pablo Díaz avanzou hoxe que rexistrou a petición da celebración dun pleno extraordinario, polo incumprimento do Alcalde xa que non se celebrou a reunión ordinaria de maio, para coñecer as iniciativas do PP en relación á creación de emprego na nosa vila.
A Deputación de Lugo, a través do Plan Único, concede ao Concello de Abadín 354.681 euros de inversión económica que serán repartidas en diversas actuacións. “Atopámonos nun momento moi sensible, no que a nosa veciñanza reclama emprego e un futuro digno. Por iso queremos saber cales son as previsións do Goberno do PP de Abadín para a creación de emprego na nosa vila”, insistiu.
Ademais o Voceiro Socialista interpela ao Goberno de López Rancaño “sobre a multa interposta ao Concello de Abadín polo Director Xeral de Saúde Pública por un importe de 3.005 euros, no polideportivo municipal. Como é posible que as veciñas e veciños de Abadín teñamos que pagar unha multa por esta contía tan elevada. E que medidas tomou o Concello para remitir esta situación?”, espetou.
Na petición do Pleno Extraordinario, Pablo Díaz tamén pregunta ao Goberno do PP pola dúas mocións socialistas, aprobadas na ultima sesión plenaria, coas que se reclamaba a recollida do servizo de lixo en Galgao, así como a retransmisión dos plenos polas redes. “Seguimos esperando a que López Racaño cumpra coa veciñanza e non lles dea ás costas unha vez máis. O Concello de Abadín necesita traballo e implicación, e non anuncios e medias verdades”, advertiu o socialista.
O Voceiro dixo que “como xa nos ten acostumado o Alcalde e todo o seu Equipo de Goberno, non celebramos o pleno ordinario que debería celebrarse no mes de maio pola deixadez do Alcalde, tal e como indica o pleno de organización, esta é a democracia do PP. Polo tanto o Grupo Socialista de Abadín ten que optar pola vía da petición extraordinaria, co fin de dar resposta ás demandas da veciñanza e para poñer enriba da mesa os asuntos fundamentais para o benestar dos veciños ”, resumiu.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
