A chambonadas xurídicas, o señor Feijoo tennos acostumados. Xa nos mostrou o ben que se lle dá agradecer os favores prestados anulando concursos (que por primeira vez o foran) para disporse a facer adxudicacións dixitais opacas do negocio do vento. A maior gloria da señora Lago tamén nos meteu na lea da consulta da “liberdade lingüística” para despois recoñecer que terá que mudar a lei para poder facela. Tarde piaches, meu rei! E por último, o actual goberno da Xunta ven de recoñecer que en Barreiros houbo un crecemento urbanístico desmesurado, reflexión esta que puxo os ladrillos de punta a máis dun promotor con intereses na zona.
As actitudes mediáticas do señor Feijoo, nomeadamente cando fala para a prensa con sede na capital do reino, logo esmorecen por non atender aos problemas reais da xente e reflectir a súa preocupación por un discurso político encamiñado a ambicións maiores que van moito máis alá da política galega. Mesmo co tempo hai cuestións que se volven na súa contra (ou o que é peor -para eles- semella revirarse contra os seus beneficiarios potenciais) por adoptar posicións pouco asentadas xurídica e/ou politicamente.
O peor de todo no concurso eólico foi botar por terra un deseño de política enerxética centrado no noso tecido económico só para dar satisfacción a empresas (e amigos) alleos ao noso país. Mais a paralización do proceso comezado polo bipartito vai camiño de condicionar gravemente o desenvolvemento do sector, ademais de ter botado por terra a posibilidade de creación de moitos postos de traballo que se xerarían dos proxectos empresariais vinculados á concesión do concurso eólico. Mesmo as subvencións previstas para o sector, e que tiñan prazo determinado, están en perigo. Pensar que se poderán conseguir prórrogas para as mesmas, coa que está a caer, é cousa de paspáns, ou de nos querer facer pasar por parvos.
Na cuestión do novo decreto contra o galego, outrosí nos atopamos cun enfado monumental por parte da señora Lago polos (di ela) incumprimentos continuados das promesas electorais feitas polo señor Feijoo. Vaia por diante que todo isto soa a farsa e ambigüidade calculada. Senón, como se entende que a señora Porro e o señor Negreira sigan encirrando mesquiñamente na cuestión do galego? É tan descarado, que mesmo recoñecen entre bastidores que é por interese electoral. Dan noxo! Xogan coa lingua sen vergoña ningunha. E tamén co noso diñeiro. Para recuperaren o castelán non hai prudencia nin tino: se hai que gastar a mancheas, dálle para diante, que xa recortaremos en servizos públicos. Ter que botar ao lixo os libros do curso pasado por capricho das mentes bífidas é un insulto nos tempos que corren.
E no referido ao mundo das promotoras vimos de nos decatar, en sede parlamentaria e da man da secretaría xeral de urbanismo, de que é certo que en Barreiros houbo un crecemento fóra de lugar e que a Xunta non vai legalizar irregularidades urbanísticas de ningún tipo. Porén, o que realmente amola aos promotores inmobiliarios con intereses na zona é que a Xunta non dea retirado os recursos interpostos polo anterior goberno galego. Poden desexar as posibilidades que queiran, pero hai quen sente como lle ferve o sangue nas veas e a impaciencia róelle os miolos.
Parece que ao señor Feijoo váiselle a forza pola boca prometendo cousas pero despois non é quen de cumprilas. Demóstrao o feito de que as promete e despois recoñece que non pode cumprilas. Semella un goberno interruptus, de aparente marcha atrás. Pero sempre acaba atopando a solución: botar as culpas de todos os males á oposición, ben sexa socialista (polo goberno central), ben sexa nacionalista (por ditadores lingüísticos). E tan pancho, oes!
Farruco GRAÑA
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
