LUGO .- Preto de 300 persoas visitan esta semana a Mariña, a Ribeira Sacra, a Montaña e a Terra Chá co programa Km0 da Deputación, entre eles un grupo de persoas de Burela.
Nota de Prensa
Preto de 300 persoas visitan esta semana a Mariña, a Ribeira Sacra, a Montaña e a Terra Chá con Km0
Díaz Valiño recibiu a veciños de Castro de Rei e de Burela, quenes visitaron
a Illa Coelleira e o Castro de Viladonga dentro do programa medioambiental
O Deputado da Rede Viaria Provincial, Juan José Díaz Valiño, recibiu este martes no Pazo de San Marcos a un grupo da Asociación de Amigos da Feira de Castro de Rei e a outro da Residencia de Maiores de Burela, dentro de Km0. En total, 295 persoas participarán esta semana nas seis rutas programadas pola iniciativa do organismo provincial.
Os 55 veciños da Terra Chá desprazáronse ata a Mariña, onde visitaron a ponte do ferro, o mirador de Estaca de Bares, a praia de Arealonga, a Illa Coelleira e o porto do Vicedo. Previamente, coñeceron o Centro de Produción de Programas da Fundación TIC. Pola súa banda, os 48 membros do grupo burelés optaron polo municipio de Castro de Rei. Percorreron os Lagos de Teixeiro, o aeródromo de Rozas e o Castro de Viladonga. Tamén se achegaron ata a Insua de Burneiros e a Casa da Fervenza, e pasearon polo río Rato.
O mércores, 48 integrantes do Centro de Iniciativas Turísticas (CIT) de San Ciprián viaxarán ata a Montaña, onde visitarán as pallozas do Piornedo e a igrexa de Donís. Completarán o itinerario cun percorrido pola oleiría de Bonxe. Asimesmo, 48 membros da Asociación da Terceira Idade da Pastoriza e da Asociación Cultural “O Caxigo” da Fonsagrada optarán por Ribadeo. Neste caso, a ruta inclúe unha visita á Fundación TIC, ó castelo de San Damián, ás Clarisas e unha travesía marítima pola ría.
Finalmente, o xoves un grupo de 48 persoas da Asociación Xubilados de Taboada redescubrirán Os Peares co programa da Deputación. A ruta elexida está composta por unha visita á oleiría de Bonxe, ó Ecomuseo, ó mirador do Cabo do Mundo, á igrexa da Cova, á adega Vía Romana, ademais de por un percorrido en catamarán pola zona. Ese mesmo día, 48 alumnos do CEIP de Bretoña (A Pastoriza) desprazaranse ata Guitiriz. Neste municipio, percorrerán o balneario e visitarán o reloxo astrolóxico e o establecemento “A Esquina”. Tamén farán a ruta dos Sete Muíños e da Auga.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
