RIBADEO (FNC) .- A xunta de voceiros acordou solicitar a declaración de zona catastrófica ou similar para Ribadeo. O alcalde asegura que continúan a aparecer desperfectos e que a situación é peor do que se pensaba nun primeiro momento.
Fernando Suárez sinalou que na reunión da xunta de voceiros “avaliamos de primeira man as fotografías e os informes realizados polos técnicos municipais e acordamos varias cousas dentro da racionalidade do que se espera que fagamos desde o Concello de Ribadeo. Acordamos dirixirnos tanto ao goberno do Estado como da Xunta para que se elabore un plan de reconstrucción de todas as infraestructuras que resultaron danadas”. O rexedor dixo que “onte ás oito da tarde cifrábamos, nunha primeira avaliación só en camiños públicos e pontes, os danos causados en 650.000 euros, pero esa cifra xa subiu porque acabamos de coñecer novos desperfectos. Pedimos ese plan integral de recuperación tanto á Xunta, á Deputación como ao Ministerio de Fomento. A éste tamén lle solicitamos que de cara á A-8 se proceda a estudiar a conexión dos pasos inferiores de pluviais cos regatos que fan que sitios como A Madanela, por exemplo, fora unha auténtica zona cero estes días”.
Os portavoces municipais queren pedir “unha serie de axudas para a limpeza e o encauzamento, nalgúns casos, dos ríos para que non acontezan casos como os da explotación que quedou cercada pola forza do río. E tamén seguimos convidando aos particulares para que poñan en coñecemento do Concello os danos ou desperfectos que sofriron no seu medio de vida ou nas súas vivendas. Neste caso nós facemos unha actuación de mediación”.
O alcalde ribadense suliñou que “somos favorables a solicitar unha declaración de zona catastrófica para Ribadeo ou algunha das figuras que en dereito mellor se poida acomodar a esta definición. Entendemos que a situación é máis grave do que se pode pensar a primeira vista, xa que agora en moitos camiños en canto enxugue o tempo aparecerán roturas, baches… xa que ata o momento estaban anegados pola auga. Eso dará un engadido negativo en materia de custe que é necesario que outras administracións por enriba do Concello axuden coa súa colaboración”.
Suárez Barcia entende que “falo de Ribadeo porque son o alcalde deste concello, pero esta mesma situación a estarán pensando o resto de compañeiros rexedores da Mariña, independentemente da súa cor política porque a auga non entende de cores”. O rexedor insistiu en que “a Deputación, a Xunta e o goberno do Estado estánse a comportar de maneira moi razoable e satisfactoria, pero agardo que a partires de agora se comprometan a nivel económico e que non nos deixen colgados. Esperemos que todas as visitas que se fan aquí teñan unha correspondencia económica despois, que non sexa só para facerse a foto. Nada malo debo dicir sobre ningunha das administracións supramunicipais”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
