Madrid, 26 de xuño de 2021. O deputado do BNG no Congreso, Néstor Rego, visita a comarca da Mariña e reclama que ADIF, dependente do Ministerio de Transportes, Mobilidade e Axenda Urbana, proceda a limpar as faixas que rodean os case 15 km de vías, así como as plataformas e apeadeiros existentes no concello de Foz. Así mesmo, a organización nacionalista estende a necesidade ao resto de vías galegas ante a chegada do verán e o aumento do risco de incendios que fai máis urxente a actuación para a limpeza das zonas.
No que ten haber co mantemento das vías férreas é imprescindíbel que o responsábel do seu mantemento acometa as obras de limpeza e roza. Neste caso, tanto “o Ministerio de Transportes, Mobilidade e Axenda Urbana como ADIF teñen que facerse cargo” de limpar os preto de 15 km de vía que discorren polo Concello de Foz.
“Para o adecuado mantemento das vías férreas e as súas zonas contiguas é necesario desenvolver plans de limpeza que servirán ademais como plans de prevención de incendios” explica o deputado do BNG. Estas actuacións de silvicultura preventiva “deben incluír apeos, rozas e podas que servirán para dificultar o inicio e a propagación do lume mediante a redución ou eliminación da carga de combustíbeis vexetais e a creación de descontinuidades nas zonas vexetativas”.
O Plan Municipal de Prevención e Defensa contra os incendios, aprobado polo Concello de Foz o pasado mes de marzo, estabelece as normas para a xestión da biomasa. Así, a veciñanza está obrigada a manter as súas propiedades nas condicións adecuadas para evitar riscos de incendios e evitar a súa rápida propagación. Con máis razón “os organismos e entes públicos deben cumprir co seu deber e manter en bo estado e adecuadamente rozados e limpos os espazos que lle corresponden” subliña Rego.
Así mesmo o deputado nacionalista considera necesario estender esta reivindicación a todas as estacións e vías da Galiza, e urxe estabelecer un calendario de execución que marque a limpeza periódica. Rego lembra que, en 2007, a Fiscalía Provincial de Ourense imputou a catro cargos de ADIF como responsábeis dun incendio acaecido en Punxín o ano anterior, “por entender que desde o ente público se incumprira a súa obriga de manter limpa a zona paralela á vía do tren onde se iniciou aquel foco”. “O grave estado de abandono que pode verse nas vías e apeadeiros de Foz é algo común a todo o País. Co comezo do verán, o risco de incendio increméntase, e debe facerse todo o posíbel por previlos. Neste caso é ADIF e o MITMA os que deben manter as vías e as súas zonas de afección limpas de maleza” engade finalmente Rego.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
