Burela, 26 de xuño, 2021. “Escapada Rural”, o maior buscador online de aloxamentos rurais de España e Portugal, volve propoñer esta fin de semana unha serie de aloxamentos rurais do interior de España que ofrecen receitas especiais de pescada do pincho de Burela para celebrar a “escapada” de San Xoán.
Trátase da última acción promocional da Organización de Produtores Pesqueiros de Lugo, que completa así a súa campaña de primavera 2021 na que levou a “Merluza de Burela” a dez casas da rede de aloxamentos de “Escapada Rural” en toda a península.
En Semana Santa as accións dirixíronse a casas rurais de Castela e León, Castela A Mancha, Extremadura e Cataluña. Coincidindo coas Letras Galegas, a mediados de maio fíxose unha promoción en diferentes puntos de Galicia.
E nesta fin de semana a pescada do pincho de Burela chega a aloxamentos das dúas Castelas e Extremadura, podendo degustarse en La Posada de los Sentidos (Jarandilla de la Vera, Cáceres), Castillo de la Riba (Riba de Santiuste, Guadalajara) e na Casa Rural La Irvienza (Martín Muñoz de las Posadas, Segovia).
«Aproveitar o auxe do turismo de interior en España combinándoo co mellor da gastronomía mariñeira de Galicia» é o grande obxectivo desta unión entre os produtores pesqueiros de Burela e o portal de viaxes, que desde finais de 2020 colaboran ofrecendo paquetes conxuntos dentro da súa campaña global “Eu Como Peixe”, dirixida a tódolos ámbitos de poboación, promocionando o consumo de peixe como base duns hábitos de vida saudable e facendo chegar a pescada de Burela moito máis alá das costas galegas.
Esta acción conta coa colaboración de Armadores de Burela e está enmarcada no Plan de Produción e Comercialización de OPP Lugo, cofinanciada pola Xunta de Galicia e o Fondo Europeo Marítimo e de Pesca.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
