Viveiro, 27 de xuño, 2021. As persoas donas de cans de Viveiro tiveron que ler na prensa nos últimos días un recordatorio do Concello de Viveiro segundo o cal, a estancia e/ou circulación de animais domésticos nas praias está prohibida. Un verán máis, a prohibición é o recurso que utiliza o goberno de María Loureiro para asumir as competencias que lle outorga a Lei de Costas sobre o dominio público marítimo terrestre estatal para manter as praias e lugares públicos de baños nas debidas condicións de limpeza, hixiene e salubridade.
De feito en pleno 2021, continuamos á cola de concellos que contan cunha ordenanza reguladora de uso e aproveitamento das praias que permita o acceso dos cans, como por exemplo si teñen os concellos de Barreiros e Ribadeo.
O único que se fixo durante os últimos anos en Viveiro, foi unha proposta de ordenanza cuxa aprobación inicial non saíu adiante por unanimidade da oposición argumentando unha vez máis, a falta de participación veciñal que ten por costume exercer o goberno municipal de Viveiro, a pesar de que a necesidade de contar con zonas habilitadas nas praias e noutros lugares do concello para o desfrute de mascotas domésticas é unha demanda que poderíamos denominar “histórica”, pois vénse demandando ano tras ano polas veciñas e veciños de Viveiro onde xa son dúas as iniciativas de recollida de sinaturas con máis de 1200, que non recibiron resposta formal nin a día de hoxe se fixo efectiva ningunha solución ou alternativa que permita á veciñanza o dereito a desfrutar en liberdade coas súas mascotas.
No concello segue sen existir posibilidade legal de que os cans corran, salten, se bañen e socialicen con outros cans, o cal é vital para o seu desenvolvemento saudable e equilibrado. É totalmente necesario dotar Viveiro destas zonas, tendo en conta que ademais de proporcionarlles ese dereito tamén suporía a medida máis urxente e máis efectiva para previr e controlar as molestias e perigos que os animais podan causar a persoas e instalacións, obxectivo que non se consegue coa prohibición, xa que ao non existir áreas delimitadas nin unha regulación da que todxs se podan beneficiar, a prevención e o control son inviables.
Desde o BNG de Viveiro rexeitamos esta prohibición que se vén repetindo de continuo, cando existen alternativas de baixo custe e pouco ambiciosas que permiten o uso compartido de praias e zonas verdes da veciñanza coas mascotas, como é por exemplo poñer horarios, acoutar zonas con estacas e cordas, e/ou colocar paneis informativos coas normas de convivencia e as sancións por incumprimento.
De xeito gradual, sendo máis ambiciosxs, incluso se podería colocar á beira das praias un posto/caseta que ofreza ás persoas usuarias estacas para atar os cans, papeleiras para depositar os excrementos, a instalación dunha mangueira ou duchas para cans… proxecto que ademais contribuiría a potenciar o turismo con mascotas no noso concello.
Por todo o anteriormente exposto, o grupo municipal do BNG de Viveiro solicita ao pleno da corporación local a adopción dos seguintes ACORDOS:
Establecer como medidas para este verán:
1. Restablecer o horario de acceso para os animais ás praias que rexe de maneira habitual no que poden acceder despois das 21h e até antes das 9h. (21:00-9:00h).
2. Acoutar polo menos unha zona verde de esparcimento para cans, de maneira permanente ou con delimitación horaria.
Como medidas a curto-medio prazo:
1. A creación de zonas acoutadas permanentes para cans, ou con horario, nas praias e zonas verdes de Viveiro, á maior brevidade posible no tempo. Como propostas suxerimos as seguintes localizacións:
Praia de Covas: zona próxima ao Cembedo.
Praia de Seiramar
Praia de Arnela
Praia de Area: zona lateral contra as penas máis próxima a Celeiro
Zona verde situada a carón do campo de fútbol do Cembedo
Zona verde do paseo da variante, na rotonda do Ecce Homo
Zona verde parcelas Ecce Homo
Zona verde parque Pernas Peón, na zona próxima ao IES María Sarmiento
Zona verde a carón da piscina de Celeiro
2. Contar coa colaboración da veciñanza así como de asociacións de animais de Viveiro para a escolla das localizacións e o acordo das normas de convivencia que rexerán nestas áreas que han de recollerse a través da modalidade legal que máis se axuste, sexa Ordenanza, Regulamento ou calquera outra fórmula.
3. Realizar campañas de concienzación relacionadas coa necesidade de recoller e limpar os excrementos das mascotas, incluídos ouriños. Promovendo que as persoas donas dos cans leven xunto coa bolsa un frasco con auga con xabón ou produto desinfectante para que cando ouriñe o can nunha zona pública se bote ese líquido.
4. Reanudar as xuntanzas de traballo para acordar o texto da Ordenanza Municipal reguladora da tenencia de animais e da Odenanza reguladora de uso e aproveitamento das praias.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
