Foz, 02 de xullo de 2021. No pleno do día de onte, comprobouse unha vez máis o desinterese e a falta de traballo do goberno local de Foz. É algo que se constata a diario, segundo sinala o portavoz popular, Javier Castiñeira, pero que na sesión plenaria de onte quedou plenamente de manifesto no debate do orzamento municipal para o ano en curso. O voceiro popular destaca que as institucións públicas, e quizás aínda máis os concellos, deben aprobar as súas grandes contas a final de ano, para que poidan entrar en vigor nos primeiros días do exercicio ao que corresponden. En Foz o orzamento chegou ao pleno no último día de xuño, é dicir, como mínimo con seis meses de retraso. E por riba, no seu contido, é un completo engano aos veciños, e, por iso, sinala Castiñeira, os concelleiros do PP dixeron non á proposta presentada polo goberno presidido por Cajoto.
Castiñeira sinala: “Non é só que os orzamentos chegaran tarde, mal e arrastro, como o ano pasado, unha vez pasados os primeiros seis meses do exercicio; é que foron elaborados sen dar participación ao movemento veciñal e aos demais grupos políticos da corporación. Lamentable, dende o punto de vista da participación, que foi inexistente. Pero lamentable tamén é a demostración do afán recadatorio do goberno de Foz, ata o punto de que pretenden recadar pola vía impositiva 8.178.000 euros, todo un récord”. Lembra que o PP presentou once propostas e ningunha foi tomada en consideración.
O portavoz popular destaca algúns dos tributos cos que o goberno municipal vai premer sobre a economía dos veciños. “Pretenden ingresar 54.000 euros máis pola contribución (IBI) urbana e rústica que no ano 2019 cando gobernaba o PP; é algo que criticaban enormemente e acusaban ao goberno do PP de ter afán recadatorio. Agora, este goberno quere recadar moito máis. O mesmo pasa co imposto dos vehículos, no que se prevén case 20.000 euros máis que no 2019. Igualmente chama poderosamente a atención o imposto de plusvalía, case 30.000 euros máis que no 2019, é dicir, un 50% máis do que recadaba o goberno do PP”. Os populares indican que as cantidades citadas son suficientemente reveladoras de como vai afectar este orzamento aos veciños de Foz.
Castiñeira explica tamén: “No capítulo de gastos teñen practicamente un millón de euros máis que no 2019. Desa cantidade, 300.000 euros van dirixidos a aumentar o gasto corrente. Neste sentido, é chamativo que o capítulo de festas siga subindo dos 200.000 euros. Tamén se segue contratando máis que no 2019”.
As grandes contas de Foz poñen de manifesto as falsidades que encerraban as promesas electorais dos que hoxe gobernan Foz. Neste sentido, no PP destacan que no plan económico para o ano en curso “non hai previsión algunha para as municipalizacións que se prometeron”. Polo contrario, “hai máis gasto en publicidade e propaganda do equipo de goberno, concretamente 15.000 euros máis que no 2019; tamén se encargan máis estudos técnicos externos, en concreto 34.000 euros máis”.
Castiñeira lembra “a frase ben coñecida do alcalde de que co seu goberno Foz ía cambiar dende o primeiro día”, e sinala: “Hai que dicir que, efectivamente, cambiou: hai menos consenso, chegan os orzamentos máis tarde que no 2019; hai máis presión impositiva para conseguir máis recadación, máis contratación externa, máis propaganda, ningunha municipalización, carencia de axudas as pemes e autónomos, máis conflitos e nada de urbanismo”.
Para os populares, nestes orzamentos faltan compromisos claros. Cita así que nada se sabe da reforma do local para os xubilados, nin dos 50.000 euros que, por acordo plenario, deberían figurar cada ano para compensar aos veciños de Forxán pola instalación alí da nova depuradora de residuais.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
