Ribadeo, 5 de xullo, 2021. Un infortunado camiño en Ribadeo: A Torre 1985 – 2021
Non desistiremos no empeño: a Comisión de Veciños do Barrio de A Torre, en Vilaselán, (formada en agosto de 2016 para o seguimento da mellora deste camiño, e non sendo a nosa intención representar a todos os veciños xa que iso é imposible) queremos recordarlle ao Sr. Alcalde de Ribadeo, D. Fernando Suárez Barcia, que imos seguir reclamando a ampliación e acondicionamento deste camiño ata que dunha vez por todas se resolva esta inxustiza que se está a facer neste barrio.Non é algo que reclamemos para o noso uso individual ou particular, de ser así pode estar seguro que non o molestaríamos. Trátase dun ben común.
Parécenos que 14 anos que leva vostede gobernando este Concello, e sendo coñecedor desta situación, incluso antes de ser nomeado alcalde, é tempo mais que suficiente para telo resolto e sen embargo non o fixo.
A nosa máxima sempre foi a de levar este tema da maneira mas discreta posible, reunións e escritos que nunca transcenderon mais aló das paredes desa Alcaldía. Pois ben, ante a súa negativa a unha solución definitiva, queremos transmitirlle a nosa máis rotunda decepción e non nos deixa outra alternativa máis que a de dar a coñecer a toda a opinión pública o que nos pensamos sobre a súa maneira de “gobernar”, algo no que imos seguir incidindo.
Por outra banda, gustaríanos que se nos tivese en consideración, pois sempre estivemos dispostos a colaborar con esa Alcaldía durante todos estes anos, unha disposición aberta a calquera das formas e fórmulas que se nos tivese plantexado, incluso no tema económico, como vostede ben sabe, pero que, por motivos obvios, pechamos en xuño de 2018.
Invitación a todos os viandantes e veciños deste Concello
É para nós unha obriga invitar a todos os residentes e non residentes deste concello a dar un paseo por este barrio e así verán de primeira man ó que estamos demandando.
Un corto paseo onde poderán contemplar un camiño que segue tendo a mesma anchura que na súas orixes, onde só podían circular as persoas e os carros arrastrados por animais.
Un camiño que está mais preto do que poden imaxinar, pois camiñando desde a Estación de Autobuses non leva máis de 5 minutos. Claro que, polas características actuais no que se encontra, todo podía indicar que se trata dun barrio mais aló das “quimbambas”. Pois ben, vostedes mesmos pódeno comprobar. Non entendemos como estando tan cerca estea tan lonxe no tempo.
Esta mesma invitación tamén queremos facela extensible ao noso alcalde: gustaríanos que en vez de pasar por este barrio unha vez cada 4 anos o fixera un pouco máis a miúdo para que puidera darse de conta da realidade e do día a día destes veciños.
Permítannos unha suxestión: se deciden facer esta visita, por favor fágano con moito sentidiño pois circulan persoas e tamén vehículos por ese camiño.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
