Barreiros, 10 de xullo de 2021. O goberno municipal de Barreiros vai camiño de converterse nun exemplo de escapismo fronte ás responsabilidades que teñen que asumir os que gobernan. A alcaldesa, Ana Ermida, ten dado claras mostras da súa propensión a eludir a busca de solucións para os problemas que teñen os seus veciños. Un deses problemas é a necesidade de dotar dunha nova depuradora de augas residuais a San Miguel. Á vista da súa pouca eficacia na xestión e de como trata de enmascarala con criticas a outra Administración, o PP de Barreiros, por boca do seu portavoz municipal, José Manuel Gómez Puente, insta a Ermida a deixar de enredar, asumir a responsabilidade de goberno que lle corresponde e poñerse a xestionar a solución para os problemas dos seus veciños.
Gómez Puente sinala que a Xunta, gobernada polo PP, fixo un claro ofrecemento de participación económica na financiación da nova depuradora. A Xunta ofrece cubrir una parte do orzamento (50%), sempre e cando a Deputación aporte á restante. O popular Gómez Puente destaca que a Xunta concreta a súa aportación amparada no convenio asinado no seu momento.
Gómez sinala que a realidade é que non se coñece que aportación ten previsto facer o Concello, e tampouco se sabe se Ermida buscou colaboración en outras administracións e cal foi a resposta. O portavoz popular pregunta á alcaldesa se sabe se a Deputación está disposta a aportar cartos para a nova depuradora de San Miguel. Igualmente, sinala que a alcaldesa apuntou que conseguiría fondos do Goberno central e pregúntalle cantos son e onde están.
O portavoz popular destaca: “Todos os que obtivemos representación nas institucións debemos axudar a solucionar os problemas da veciñanza; cando se goberna, hai que xestionar en interese dos administrados”.
Tamén manifestou Gómez: “A realidade é que a Xunta está disposta a poñer sobre a mesa unha cantidade moi concreta e dos outros nada se sabe. A falta de traballo leva a que un ano máis chegue o verán e o problema da depuración das augas residuais estea aínda sen resolver en Barreiros. Do que se trata, señora Ermida, é de traballar e resolver, e, polo que se ve, vostede non resolve”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
