Ribadeo, 19 de xullo de 2021. O alcalde, Fernando Suárez, valora de xeito positivo a apertura de novas iniciativas de negocio en Ribadeo neste momento tan complexo, pola evolución da pandemia do covid19, pero lembra que o Concello ten que garantir o cumprimento continuado das normas urbanísticas e sanitarias, tanto da administración local como da galega e da estatal.
O rexedor referiuse hoxe á noticia dunha nova actividade de hostalaría a desenvolver na Praciña de San Roque: “débese dicir en primeiro lugar que se valora positivamente o ánimo de apertura de novas iniciativas de negocio, xusto nuns momentos complexos derivados da pandemia que aínda sufrimos, e que se cadra, está a recruar nestes días”.
Suárez Barcia subliñou que “desde o Concello debemos ter a misión de manter un equilibrio, ás veces tamén complicado, no senso de dar facilidades para que a iniciativa privada poida desenvolverse sen moitos atrancos. De feito, unha das medidas que rexen desde o inicio da pandemia e incluído todo este ano natural de 2021 é que o Concello non aplica ningunha taxa ou tributo pola ocupación de vía pública para as terrazas dos locais de hostalaría”.
E puntualizou: “con todo, o Concello tamén ten que garantir o cumprimento continuado das normas urbanísticas, sanitarias, tanto da nosa administración local como da galega e da estatal”.
O alcalde explicou: “e o caso particular que nos ocupa ten precisamente as dúas partes desta balanza. E se ben é certo que a forma e materiais das terrazas están regulados por unha ordenanza municipal de obrigado cumprimento para todas as empresas que inicien a súa actividade, tamén hai que sinalar que o responsable do establecemento desatendeu sistematicamente as instrucións das outras normativas municipais en canto ao número máximo de mesas e cadeiras a instalar nunha determinada superficie, así como as distancias entre elas”.
Fernando Suárez seguiu a relatar que “finalmente, despois de facer caso omiso ás instrucións dadas polos técnicos municipais tivo que acabar indo a Policía Local para instar á recollida dese mobiliario non autorizado, e non só por motivos estéticos”.
O rexedor engadiu que “esta nota de prensa de aclaración sucinta da situación deste expediente faise precisamente no día que acabamos de saber polos datos do Sergas que en Ribadeo temos 37 persoas contaxiadas de Covid e de que a cifra non para de medrar día a día.
Desde o Concello facemos unha chamada ao compromiso responsable de todos, para que esta situación se reverta proximamente e non entremos en procesos dolorosos de limitación de horarios, aforos, de movementos, etc”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
