Santiago de Compostela, 21 de Xullo 2021. O BNG entregou no rexistro da Xunta as 23.610 sinaturas de galegas e de galegos en contra da estafa da factura da luz e a favor da tarifa eléctrica galega, recollidas en apenas un mes de campaña posta en marcha pola formación nacionalista en todo o País, como acción de protesta e de denuncia ante a escalada imparable do prezo da electricidade.
“Facemos a entrega das sinaturas contra a estafa da factura da luz, que é máis estafa que nunca, unha estafa xigante que indigna e cabrea a partes iguais, que está afogando a familias, traballadores e traballadoras autónomas e pequenas en medianas empresas en plena crise. Unha esperpéntica nun País que, como Galiza, é rico en electricidade, que leva décadas pagando os custe sociais e ambientais pero sen obter ningún beneficio”, denunciaba a portavoz nacional, Ana Pontón.
Para a líder nacionalista, a imparable escalada do prezo da luz, -106 € por MWh fronte aos 40,3 de 2020 ou aos 53,41 € de 2019-, a máis cara de Europa e a máis cara da historia só se explica por un sistema normativo pensado a favor do lobby eléctrico e en contra da maioría social, en particular un sistema de fixación de prezos que deriva no que se coñece como beneficios caídos do ceo, polo que o custe final o marca a enerxía máis cara aínda que sexa minoritaria na cesta da puxa.
“E como se imos a un restaurante, pedimos un ovo frito e o pagamos a prezo de lumbrigante, pareceríanos un disparate pero iso é o que pasa agora porque son as eléctricas as que definen as leis pensadas para maximizar os seus beneficios a costa de espremer á cidadanía”, critica Pontón, que ve na rápida recollida de sinaturas “unha mostra de que os galegos e as galegas están fartas desta estafa e queren que se plante cara ás eléctricas”.
E por iso suman o seu apoio a unha campaña para reclamar a tarifa eléctrica galega e a intervención pública no sector da enerxía que inclúa creación dunha empresa pública galega de enerxía para que se sexa xestionada desde o público e a favor da maioría social. Propostas do BNG que avanzou Pontón.
Pese a ser Galiza rica en electricidade, lonxe de ter algún tipo de beneficio, cada vez se paga a luz máis cara, e hai miles de postos de traballo en xogo polo custe da enerxía, mentres hai un veto sistemático do PP e do PSOE á tarifa eléctrica galega.
“Por que os galegos e as galegas pagamos unha factura da luz que é unha estafa nunha Galiza rica en electricidade? Por que no medio dunha crise sen precedentes, coas familias, as pequenas e medianas empresas, as persoa autónomas, a hostalería, o comercio local, e sectores económicos enteiros literalmente afogados estamos ante o prezo da luz máis caro da historia, máis de 100 € por MWh?”, interpelaba Pontón.
Como no entorno europeo
“Suecia, Noruega, Dinamarca, Francia, Alemaña son países con tarifas diferenciadas, e as zonas produtoras pagan menos. Por pura lóxica, posto que é máis barato dar subministro eléctrico alí onde se produce, e tamén por xustiza, para compensar polos custes ambientais e sociais, por que en eses países si e aquí non?”, se pregunta. A resposta: porque o lobby eléctrico ten cadeira preferente tanto no Consello de ministrxs como no Consello da Xunta.
“Vemos como nos consellos de administración de ENDESA, Naturgy ou Iberdrola se sentan ex presidentes, ex ministros e ministras do PP e do PSOE”, denunciou, en referencia ás portas xiratorias, “e se lle pagan un pastizal non é polo seu coñecemento do sector eléctrico senón para influír nos gobernos”, ironizou.
A portavoz do Bloque foi moi crítica coa inacción do presidente da Xunta. “Non fai nada de nada, máis aló de apoiar a causa do lobby eléctrico facilitando un boom eólico depredador, que é unha auténtica bomba para o medio rural. E, a outra aportación de Feixóo, vetar de xeito sistemático a tarifa eléctrica galega impedindo que as familias e as empresas paguen menos pola luz”, concluíu.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
