Santiago de Compostela, 28 de Xullo 2021. O BNG fai un novo chamamento á prudencia ante o avance da quinta onda tendo en conta que aínda hai moita poboación sen vacinar, en particular entre a xente moza, e outra moita sen a pauta completa. E volve pedir que se reforce unha sanidade pública.
“O Goberno de Feixóo segue repetindo erros como senón tivesen pasado quince meses de pandemia e o principal deses erros é non reforzar a sanidade pública, en particular á atención primaria, que está baixo mínimos cun persoal exhausto e aínda máis minguado do habitual debido as vacacións estivais”, salienta a viceportavoz parlamentaria, Olalla Rodil.
“Segue sen reforzar a sanidade pública, sen dotala dos medios necesarios e buscando a quen botar a culpa”, critica Rodil tras a comparecencia do conselleiro de Sanidade, “agora acusan ás persoas afectadas de escatimar información sobre os seus contactos, dando a entender que pretenden ocultar a situación”. Fronte a ese empeño do Executivo do PP de buscar cabezas de turco, o BNG insiste en pedirlle que, en lugar de buscar culpables, “asuma a súa responsabilidade”.
O Bloque tamén critica que, con quince meses de pandemia ás costas, o Goberno de Feixóo persista en tratar o virus como unha cuestión “individual” e non de saúde pública.
“A pandemia non é un asunto persoal, de cada unha de nós, senón un problema de saúde pública que esixe dos medios materiais e humanos para facerlle fronte”, recalcou, pero a realidade é que “os servizos sanitarios non se reforzaron, non contan cos medios necesarios e iso pese a estar en pleno verán con moitos profesionais desfrutando do merecido descanso pero sen que se puxeran efectivos para substituílos”.
Neste sentido, denunciou que a Xunta queira suplir a falta de persoal como os rastrexadores por unha especie de autoxestión na realización de probas de antíxenos. “Non hai rastrexadores, e ante a falta de persoal se deriva cara os auto-tests de antíxenos para que os fagamos nas nosas casas ou no mellor dos casos nas farmacias, cando o Goberno debería poñer os recursos necesarios e reforzar a sanidade pública nesta quinta onda, en particular a atención primaria”, concluíu.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
